Bharuch: ભરૂચ જિલ્લાના ઝઘડિયા GIDC ના ઔદ્યોગિક વિસ્તારમાં આજે (23 એપ્રિલ) એક ભયાનક આગ ફાટી નીકળી હતી. માહિતી મુજબ,સ મેટ્રોપોલિટન એક્સેકેમ કંપનીના પ્લાન્ટમાં એક શક્તિશાળી વિસ્ફોટ થયો હતો. જેનાથી સમગ્ર વિસ્તાર હચમચી ગયો. વિસ્ફોટ એટલો શક્તિશાળી હતો કે તેનો અવાજ ઘણા કિલોમીટર દૂર સુધી સંભળાયો અને આખો પ્લાન્ટ આગની લપેટમાં આવી ગયો. આકાશમાં કાળો ધુમાડો ફેલાયો, જેના કારણે નજીકના યુનિટના કામદારોમાં ગભરાટ અને ચિંતા ફેલાઈ ગઈ.
આ દુ:ખદ ઘટનામાં, પ્લાન્ટમાં કામ કરતા 15 થી વધુ કામદારો ગંભીર રીતે દાઝી ગયા. ઘાયલોને તાત્કાલિક એમ્બ્યુલન્સ દ્વારા અંકલેશ્વરની જયાબેન મોદી હોસ્પિટલમાં લઈ જવામાં આવ્યા, જ્યાં તેઓ સારવાર લઈ રહ્યા છે. વિસ્ફોટથી પ્લાન્ટને નુકસાન થયું, અને કામદારોની હાલત ગંભીર હોવાનું જાણવા મળે છે, જેના કારણે હોસ્પિટલ અને ઘટનાસ્થળે મોટી ભીડ ઉમટી પડી.
ઘટનાની માહિતી મળતાં, ઝઘડિયા અને આસપાસના વિસ્તારોમાંથી ફાયર ફાઇટરોની ટીમ ઘટનાસ્થળે પહોંચી. કેમિકલ પ્લાન્ટ હોવાને કારણે આગ ઝડપથી ફેલાઈ ગઈ, જેને કાબુમાં લેવાનો પ્રયાસ કરવામાં આવ્યો. આ સમયે, અમારી પ્રાથમિકતા આગને કાબુમાં લેવાની અને બચાવ કામગીરી પૂર્ણ કરવાની છે. વિસ્ફોટનું ચોક્કસ કારણ જાણવા માટે વહીવટીતંત્ર દ્વારા ટૂંક સમયમાં તપાસ હાથ ધરવામાં આવશે.