Social Media Fraud : સુરતની સોફ્ટવેર કંપનીમાં કામ કરતી એક યુવતીને છેતરીને ઈસમે તેની પાસેથી 15.57 લાખ રૂપિયાની ઠગાઈ કરી છે. પોલીસના જણાવ્યા અનુસાર, મહિધરપુરા મલ્હાર શેરીની રહેવાસી રિદ્ધિ ચૌહાણ સાથે જૈનમ શાહ નામના ઈસમે ઠગાઈ કરી છે.
રિદ્ધિ ગત વર્ષે સોશિયલ મીડિયા દ્વારા જૈનમના સંપર્કમાં આવી હતી. જૈનમે તેને કહ્યું હતું કે તે સોશિયલ મીડિયા પર એપલ એરબડ્સ વેચે છે. તેણે કહ્યું, “મને સાત હજાર રૂપિયા આપ, હું 15 દિવસમાં તને 30 હજાર રૂપિયા પરત આપીશ.” આ પર રિદ્ધિએ તેના ખાતામાં રૂપિયા ટ્રાન્સફર કર્યા, પરંતુ જૈનમે રૂપિયા પરત કર્યા ન હતા.
યુવતીને ડરાવી નાણાં પડાવી લીધા
જાન્યુઆરીમાં જૈનમે રિદ્ધિને કહ્યું હતુ કે, “તારા 30 હજાર રૂપિયા મારા બેંક ખાતામાં છે, પરંતુ પોલીસે મારું બેંક ખાતું ફ્રીઝ કરી દીધું છે. આ માટે તારે ચાર્જ ચૂકવવો પડશે. તારા નામે HDFC બેંકમાં પાંચ લાખ રૂપિયાનું લોન ચાલે છે, તે પણ સેટલ કરવું પડશે.” આ પછી, તેણે રિદ્ધિને ડરાવીને ઝવેરાત સહિત કુલ 13.40 લાખ રૂપિયા પડાવી લીધા. આખરે, પીડિતાએ જૈનમ સામે મહિધરપુરા પોલીસ સ્ટેશનમાં FIR નોંધાવી છે.
પોલીસ તપાસ શરૂ કરી
પોલીસે આ મામલે તપાસ શરૂ કરી છે અને જૈનમ શાહની ધરપકડ કરવા ચક્રો ગતિમાન કર્યા છે. Social Media Froud દિવસને દિવસે વધી રહ્યા છે, તો પોલીસ દ્વારા આવી ઘટનાઓથી સાવચેત રહેવા માટે નાગરીકોને અપીલ કરી છે.
આ પણ વાંચો..
- Petrol: આ આઠ પરિબળો ભારતમાં પેટ્રોલ અને ડીઝલના ભાવ નક્કી કરે છે
- accident in Botad: સિમેન્ટ ભરેલો ટ્રક ખાડામાં પલટી ગયો, 2 ના મોત અને 3 ઘાયલ
- Gir Somnath: રસ્તા પર જન્મદિવસની ઉજવણી ભારે પડી, વીડિયો વાયરલ થયા બાદ 11 યુવાનોની ધરપકડ કરાઈ
- Panchmahal: દીપડાનો આતંક, 7 વર્ષના છોકરા પર હુમલો, મચ્છરદાનીએ તેનો જીવ બચાવ્યો
- Gujarat: પાટીદાર અનામત આંદોલનનો વધુ એક કેસ પરત, ગુજરાત સરકારે હાર્દિક પટેલ સહિત 17 સામેનો ગુનો પાછો ખેંચ્યો