Kutch : અંજાર નજીક આવેલી વેલસ્પન કંપનીના કોટન પ્લાન્ટમાં આજે સવારે લગભગ 11 વાગ્યાની આસપાસ ભીષણ આગ ભભૂકી ઉઠી હતી. આગે જોતજોતામાં વિકરાળ સ્વરૂપ ધારણ કર્યું હતું અને ધુમાડાના ગોટેગોટા આકાશમાં ઉડતા જોવા મળ્યા હતા.
ફેક્ટરીમાં કોટનના ભારી જથ્થામાં આગ ફેલાતા પરિસ્થિતિ વધુ ગંભીર બની છે. ત્યારે ગાંધીધામ મનપા સહિતના 8 ફાયર ફાઈટર આગને કાબૂમાં લેવા માટે જોતરાયા છે.
આગ ફેલાવાનું કારણ અકબંધ
કંપનીના જવાબદાર દિવ્યેશ એમ. ડાભી દ્વારા મળેલી માહિતી મુજબ, સવારે 10થી 11 વાગ્યાની વચ્ચે કોટન એકમમાં પડેલા રો-મટીરિયલ્સમાં અચાનક આગ ફાટી નીકળી હતી. આગ લાગવાનું ચોક્કસ કારણ હજી સુધી સામે આવ્યું નથી.
આગને કાબુમાં લેવા માટે સ્થાનિક ફાયર બ્રિગેડની સાથે ગાંધીધામ મનપાના ફાયર ફાઈટરો પણ ઘટનાસ્થળે પહોંચી ગયા છે. 8 ફાયર ફાયટરો દ્વારા યુદ્ધના ધોરણે આગ બુઝાવવાની કામગીરી ચાલી રહી છે. ભીષણ ગરમી વચ્ચે ફેલાયેલી આ આગને કાબુમાં લેવું ફાયર ફાઈટરો માટે પડકારરૂપ બની રહ્યું છે.
આ પણ વાંચો..
- iran: હોર્મુઝ માટે ટ્રમ્પનો ‘પ્લાન-જી’ શું છે? – જેનો જવાબ ઈરાન આપે છે: “અમેરિકન સૈનિકોને સમુદ્રમાં કબર પણ નહીં મળે.”
- petrol: પશ્ચિમ એશિયાના સંઘર્ષ પર નાણામંત્રી: ‘લોકડાઉન માટે કોઈ પ્રસ્તાવ નથી’; પેટ્રોલ, ડીઝલ અને પાકિસ્તાન પર તેમણે શું કહ્યું તે અહીં છે
- RCB સ્ટાર ખેલાડી ભાગ્યે જ બચી ગયો: તાલીમ સત્ર દરમિયાન ‘દુર્ઘટના’ થઈ; કોચે દેખાડ્યું સમજદારી
- army: ભારતની લશ્કરી શક્તિમાં વધારો થવાનો અંદાજ: ₹2.38 લાખ કરોડના સંરક્ષણ સોદા મંજૂર; વધારાની S-400 ખરીદીને મંજૂરી
- pm modi: પશ્ચિમ એશિયા કટોકટી: પીએમ મોદીની રાજ્યોના મુખ્યમંત્રીઓ સાથે વર્ચ્યુઅલ બેઠક શરૂ; તૈયારીઓ સમીક્ષા હેઠળ