Gujarat : રાજકોટમાં આજે 2 કાર વચ્ચે ટક્કર થઈ અને આ પૈકી એક કાર સળગી ઉઠી હતી. જેમાં 4 લોકોના મોત થયા છે. ખાસ કરીને આ 4માં માતા-પુત્રીનો પણ સમાવેશ થાય છે. અન્ય ચાલ લોકોને સારવાર માટે ખસેડાયા છે.
રાજકોટના સરધાર-ભાડલા રોડ પર બે કાર વચ્ચે જોરદાર ટક્કર થયા બાદ આગ ફાટી નીકળી હતી. આ આગ ફાટી નીકળતા કારમાં સવાર ચાર લોકો ભડથું થયા હતા. જ્યારે ચાર લોકો ઘાયલ થતા તેઓને સારવાર માટે ખસેડાયા છે. 4 મૃતકોમાં માતા અને પુત્રીએ જીવ ગુમાવ્યો છે. તેમાં પુત્રીની ઉંમર માત્ર 3 વર્ષ હતી. જ્યારે અન્ય એક 12 વર્ષિય કિશોરનું મોત થયુ છે. ઘટનાની જાણ આસપાસના વિસ્તારોમાંથી મોટી સંખ્યામાં લોકો ઘટનાસ્થળે પહોંચ્યા હતા.
ઘટનાની જાણ થતાં જ આજીડેમ પોલીસની ટીમ તાત્કાલિક ઘટનાસ્થળે પહોંચી ગઈ હતી. પોલીસે પરિસ્થિતિને કાબૂમાં લઈને બચાવ અને રાહત કામગીરીમાં મદદ કરી હતી. આ ઉપરાંત, અકસ્માતમાં જે લોકો ઘાયલ થયા હતા તેમને તાત્કાલિક 108 એમ્બ્યુલન્સ મારફતે નજીકની સિવિલ હોસ્પિટલમાં સારવાર અર્થે ખસેડવામાં આવ્યા હતા.
મૃતકોના નામ
નિરુબેન અતુલભાઈ મકવાણા, 35, રહે. ગોંડલ
હેતવી અતુલભાઈ મકવાણા, 3 વર્ષ, રહે. ગોંડલ
હેમાંશી શાહીલ સરવૈયા, 22, રહે. ગોંડલ વિજય નગર
મિત અશોકભાઈ સાકરીયા, 12, રહે. ગોંડલ
ઈજાગ્રસ્તોના નામ
શાહીલ સરવૈયા, 22 વર્ષ, રહે. ગોંડલ
હિરેન અતુલ મકવાણા, 15 વર્ષ, રહે. ગોંડલ
નિતુબેન અશોકભાઈ સાકરીયા, 40, રહે. ગોંડલ
આ પણ વાંચો…
- Sports News: ગૌતમ ગંભીરના સ્થાને એક નવા દિગ્ગજ ખેલાડીની એન્ટ્રી, જે એશિયન ગેમ્સમાં ભારતીય ટીમનું નેતૃત્વ કરશે.
- Ahmedabad:હ્યુન્ડાઇ વર્લ્ડ આર્ચરી પેરા સિરીઝની પ્રથમ આવૃત્તિ અમદાવાદમાં યોજાશે, જેમાં 20 દેશોના 100 થી વધુ રમતવીરો ભાગ લેશે
- Surat: કુખ્યાત ફૈઝલ ફટ્ટા હત્યા કેસમાં મોટો ખુલાસો, કુખ્યાત મુબારક ઉર્ફે મુબો પટેલે 10 લાખ રૂપિયાની સોપારી આપી હતી!
- Sabarkantha: સ્વાઇન ફ્લૂ ફેલાયો, હિંમતનગરમાં 65 વર્ષીય દર્દીનો રિપોર્ટ પોઝિટિવ, 15 ICU બેડની વ્યવસ્થા કરાઈ
- Surat: સમરસ બોયઝ હોસ્ટેલમાં વિદ્યાર્થીઓએ ખોરાકમાં મરેલા વંદો મળી આવતા વિરોધ પ્રદર્શન અને ધરણા કર્યા