Gujarat : અમરેલીના બગસરા તાલુકાના ખીજડીયા ગામમાં ખેતરની જમીનના શેઢા બાબતે કુટુંબી ભાઈઓ વચ્ચે થયેલી તકરાર હત્યામાં પરીણમી છે. ગંભીર હિંસક બનાવમાં તલવાર અને કુહાડી વડે થયેલી મારામારીમાં કાળુભાઈ ભોજભાઈ વાળાની હત્યા થઈ છે.
મૃતકના પુત્ર રાજદીપ વાળા આ મારામારીમાં ગંભીર રીતે ઈજાગ્રસ્ત થયા છે. રાજદીપને તાત્કાલિક સારવાર માટે અમરેલી સિવિલ હોસ્પિટલ ખસેડવામાં આવ્યા છે. સામેના પક્ષના જયરાજ વાળાને પણ ઈજાઓ પહોંચી છે. હત્યા અને ઈજાઓના પગલે પોલીસ કાફલો ઘટનાસ્થળે પહોંચી તપાસ શરૂ કરી છે.
આ ઘટના કુટુંબમાં જમીન સંબંધિત વિવાદના કારણે સર્જાઈ હોવાનું પ્રાથમિક માહિતી પરથી જણાઈ રહ્યું છે. હાલમાં પોલીસે બંને પક્ષોની ફરિયાદો નોંધીને વધુ તપાસ હાથ ધરી છે. ખીજડીયા ગામે ખેલાયેલા આ હિંસક ધિંગાણાં મામલે હાલ તો ચુસ્ત પોલીસ બંદોબસ્ત પણ ગોઠવાયો છે. મૃતકના મૃતદેહને પોસ્ટ મોર્ટમ અર્થે ખસેડાયો છે.
ઉલ્લેખનીય છે કે, અમરેલીના બગસરાની આ ઘટનાના આખા જિલ્લામાં પડઘા પડ્યા છે. નજીવી બાબતે કુટુંબીઓ દ્વારા જ આધેડને પતાવી દેતા ચકચાર મચી છે. આ સિવાય પોલીસ અને કાયદાને પણ લોકોને ડર ન રહ્યો હોવાની સ્થિતિ સર્જાઈ છે.
આ પણ વાંચો..
- Kiren rijiju: ભારતમાં પણ એક ખતરનાક ષડયંત્ર રચવામાં આવ્યું—પરંતુ આ ન તો ફ્રાન્સ છે કે ન તો બાંગ્લાદેશ: કિરેન રિજિજુએ વિપક્ષ પર પ્રહાર કર્યા
- Tiger shroff: મુંબઈમાં ટાઈગર શ્રોફ સાથે જોડાયેલી ગોળીબારની ઘટના; મોટરસાઈકલ પર આવેલા ત્રણ હુમલાખોરોએ ગોળીબાર કર્યો
- Sugar: ખાંડના ભાવ નીચા રાખવા માટેની માસ્ટર પ્લાન: સરકારે ઇથેનોલ નીતિમાં મોટા ફેરફારો અમલમાં મૂક્યા
- Russia: યુક્રેને રશિયા પર ૧,૦૧૫ ડ્રોન છોડ્યા: સેન્ટ પીટર્સબર્ગમાં તેલ સુવિધાઓમાં આગ લાગી; ‘ઊર્જા યુદ્ધવિરામ’નું શું થયું?
- Ranbir kapoor: પાન-ઈન્ડિયા સ્ટાર પ્રભાસ અને રણબીર કપૂર વચ્ચે ટક્કર; ફિલ્મ દિવાળી પર રિલીઝ થશે