Jamnagar: કારમાંથી ઈંગ્લીશ દારૂનો જંગી જથ્થો ઝડપાયો, રૂ.4,93,500નો મુદામાલ જપ્ત, આરોપીની શોધ ચાલુ

Jamnagar જામનગર શહેરમાં સીટી બી ડીવીઝન પોલીસે હાથ ધરેલા ઓપરેશન દરમિયાન એક નાસતા ફરતા કારમાંથી અંગ્રેજી શરાબનો જંગી જથ્થો ઝડપાયો છે. સિટી બી ડિવિઝન પોલીસ સ્ટેશનની સર્વેલન્સ સ્કવોડ દ્વારા હાથ ધરાયેલી આ કામગીરીમાં કુલ રૂ.4,93,500નો દારૂનો જથ્થો જપ્ત કરવામાં આવ્યો છે, જ્યારે આરોપી ફરાર છે અને તેને પકડવા પોલીસે સર્ચ ઓપરેશન હાથ ધરી છે.

જામનગર જિલ્લા પોલીસ અધિક્ષક ડો.રવિ મોહન સૈની અને નાયબ પોલીસ અધિક્ષક જે.એન. ઝાલાના માર્ગદર્શન હેઠળ દારૂ અને જુગારને લગતા ગુનાઓ સામે કડક હાથે કાર્યવાહી કરવામાં આવી રહી છે. આ ક્રમમાં શહેર “બી” ડિવિઝનના પોલીસ ઈન્સ્પેક્ટર એન.એમ.ગઢવીના માર્ગદર્શન હેઠળ પોલીસ સબ ઈન્સ્પેક્ટર ડી.જી. રાજ અને સર્વેલન્સ સ્કવોડના જવાનો પેટ્રોલીંગમાં હતા.

દરમિયાન પોલીસને મળેલી બાતમીના આધારે જામનગર શહેરના શાંતિનગર શેરી નં.04માં રહેતા વિજયસિંહ હરિસિંગ જેઠવાના ઘર પાસેના ચોક વિસ્તારમાં સિલ્વર કલરની સ્પીડિંગ કારમાં ભારતીય બનાવટનો વિદેશી દારૂ વેચાણ અર્થે રાખવામાં આવ્યો હોવાની બાતમી મળી હતી. જેના આધારે પોલીસે દરોડો પાડ્યો હતો. દરોડા દરમિયાન રૂ.3,18,500ની કિંમતનો ઇંગ્લીશ દારૂના ચપલા નંગ 910 અને રૂ.1,75,000ની કિંમતની સિલ્વર કલરની સ્પીડિંગ કાર (રજીસ્ટ્રેશન નં. જીજે 10 એફ 8961) મળી કુલ રૂ.4,93,500નો મુદ્દામાલ કબજે કરવામાં આવ્યો હતો. પોલીસે દારૂનો જથ્થો રાખતા વિજયસિંહ હરિસિંગ જેઠવા (રહે: શાંતિનગર શેરી નં. 04, જામનગર)ને ઝડપી લેવા સર્ચ ઓપરેશન શરૂ કર્યું છે.