Abhishek Sharma: અભિષેક શર્માને હોસ્પિટલમાંથી રજા આપવામાં આવી, શું તે IND vs NAM મેચમાં રમી શકશે?

Abhishek Sharma: ટીમ ઈન્ડિયાના ઓપનર અભિષેક શર્માએ યુએસએ સામેની પહેલી વર્લ્ડ કપ મેચમાં ભાગ લીધો હતો, પરંતુ મેચ દરમિયાન તેની તબિયત બગડી હતી. ત્યારથી, બીજી મેચમાં તેની ભાગીદારી શંકાના ઘેરામાં છે.

ભારતીય ક્રિકેટ ટીમ T20 વર્લ્ડ કપ 2026 માટે તેના ખેલાડીઓની ફિટનેસ સાથે ઝઝૂમી રહી છે. ટુર્નામેન્ટ પહેલા જ બે ખેલાડીઓને થયેલી ઈજાઓ સમસ્યાઓનું કારણ બની હતી, અને હવે ટુર્નામેન્ટ દરમિયાન સ્ટાર બેટ્સમેન અભિષેક શર્માની તબિયત બગડવાથી ચિંતામાં વધારો થયો છે. નામિબિયા સામેની ટુર્નામેન્ટની બીજી મેચ પહેલા અભિષેકને અચાનક હોસ્પિટલમાં દાખલ કરવામાં આવ્યો હતો, જેના કારણે મેચમાં તેની ભાગીદારી અંગે શંકા ઉભી થઈ હતી. અભિષેકને હોસ્પિટલમાંથી રજા આપવામાં આવતા ટીમને હવે થોડી રાહત મળી છે. જોકે, તેની ભાગીદારી અંગેની સ્થિતિ અસ્પષ્ટ છે.

ગુરુવાર, 12 ફેબ્રુઆરીના રોજ, ટીમ ઈન્ડિયા વર્લ્ડ કપનો પોતાનો બીજો ગ્રુપ સ્ટેજ મેચ રમશે. આ મેચમાં તેનો સામનો નામિબિયા સામે થશે. ભારતીય ટીમે યુએસએ સામે પોતાનો પહેલો મેચ રમ્યો હતો, અને જીત મેળવી હતી. જોકે, તે મેચ દરમિયાન અભિષેક બીમાર પડી ગયો હતો, અને ત્યારથી, તેનું સ્વાસ્થ્ય ટીમ ઈન્ડિયા માટે ચિંતાનો વિષય બન્યો છે. તે છેલ્લે ટીમ ઇન્ડિયન પ્રેક્ટિકલ સેશનમાં ભાગ લઈ શક્યો ન્હોતો.