PM Modi ગ્લોબલ ફિનટેક ફેસ્ટમાં શામેલ, કહ્યું- રિયલ ટાઈમમાં અડધા ડિજિટલ ટ્રાન્ઝેક્શન ભારતમાં

Pm Modi: આજે PM મોદીએ Jio વર્લ્ડ કન્વેન્શન સેન્ટર ખાતે આયોજિત ગ્લોબલ ફિનટેક ફેસ્ટમાં હાજરી આપી હતી. આ કાર્યક્રમને સંબોધતા તેમણે કહ્યું હતું કે વિશ્વના વાસ્તવિક સમયના વ્યવહારોમાંથી અડધા ભારતમાં થાય છે. આજે પીએમ મોદી વઢવાણ પોર્ટનું પણ ઉદ્ઘાટન કરશે. વઢવાણ બંદર દેશનું સૌથી મોટું ડીપ વોટર પોર્ટ છે.

વડાપ્રધાન નરેન્દ્ર મોદી મહારાષ્ટ્રના પ્રવાસે છે. તેમણે મુંબઈમાં જિયો વર્લ્ડ કન્વેન્શન સેન્ટર ખાતે ગ્લોબલ ફિનટેક ફેસ્ટ ઇવેન્ટમાં હાજરી આપી હતી. આ કાર્યક્રમને સંબોધતા તેમણે કહ્યું કે ભારત હજુ પણ ડિજિટલ પેમેન્ટમાં અગ્રેસર છે.
વિશ્વના વાસ્તવિક સમયના વ્યવહારોમાંથી અડધા ભારતમાં થાય છે. આના પરથી અંદાજો લગાવી શકાય છે કે ભારતના લોકોએ પૂરા દિલથી ડિજિટલ પેમેન્ટ અપનાવ્યું છે.

રિઝર્વ બેંક ઓફ ઈન્ડિયા (RBI)ના ગવર્નર શક્તિકાંત દાસ અને SEBIના વડા માધવી પુરી બુચે પણ ગ્લોબલ ફિનટેક ફેસ્ટમાં ભાગ લીધો હતો. આ ફેસ્ટનું આયોજન પેમેન્ટ્સ કાઉન્સિલ ઓફ ઈન્ડિયા (FFPC), નેશનલ પેમેન્ટ્સ કોર્પોરેશન ઓફ ઈન્ડિયા (NPCI) અને ફિનટેક કન્વર્જન્સ કાઉન્સિલ (FCC) દ્વારા કરવામાં આવ્યું છે.

પાલઘરમાં અનેક પ્રોજેક્ટનું ઉદ્ઘાટન કરશે
PM મોદી આજે પાલઘરમાં આશરે રૂ. 1,560 કરોડના મૂલ્યની 218 ફિશિંગ પ્રોજેક્ટ્સનું ઉદ્ઘાટન અને શિલાન્યાસ કરશે. આ પ્રોજેક્ટ્સનો ઉદ્દેશ્ય માછીમારી ક્ષેત્રે ઈન્ફ્રાસ્ટ્રક્ચર અને ઉત્પાદકતા વધારવાનો છે. એવું માનવામાં આવે છે કે આ પ્રોજેક્ટ દ્વારા માછીમારી ક્ષેત્રે 5 લાખથી વધુ નોકરીઓનું સર્જન થશે.