PM MODIની કેનેડા મુલાકાત પહેલા મોટી કાર્યવાહી, ખાલિસ્તાન સમર્થક ડ્રગ નેટવર્કનો પર્દાફાશની કેનેડા મુલાકાત પહેલા, પીએમ માર્ક કાર્નીની સરકારે ખાલિસ્તાની સમર્થકો સામે કાર્યવાહી કરવા માટે પ્રોજેક્ટ પેલિકન શરૂ કર્યો છે. આ અંતર્ગત, કેનેડિયન પોલીસે ખાલિસ્તાન સમર્થક ડ્રગ અને આતંકવાદી નેટવર્કનો પર્દાફાશ કર્યો છે અને 479 કિલો કોકેન જપ્ત કર્યું છે. આ સાથે, ભારતીય મૂળના સાત લોકો સહિત કુલ નવ લોકોની ધરપકડ કરવામાં આવી છે.
પ્રધાનમંત્રી નરેન્દ્ર મોદી G7 સમિટમાં હાજરી આપવા માટે કેનેડા જઈ રહ્યા છે. આ પહેલા, કેનેડિયન પીએમ માર્ક કાર્નીની સરકારે ભારત વિરોધી પ્રવૃત્તિઓમાં સામેલ ખાલિસ્તાનીઓને પકડવા માટે ‘પ્રોજેક્ટ પેલિકન’ નામનું અભિયાન શરૂ કર્યું છે, જેના અંતર્ગત કેનેડિયન પોલીસે મોટી કાર્યવાહી કરી ખાલિસ્તાન સમર્થક ડ્રગ અને આતંકવાદી નેટવર્કનો પર્દાફાશ કર્યો છે.
કેનેડિયન પોલીસે પ્રોજેક્ટ પેલિકન હેઠળ અત્યાર સુધીની સૌથી મોટી કાર્યવાહી કરી છે, જેના અંતર્ગત પોલીસે 479 કિલો કોકેન જપ્ત કર્યું છે. તેની કિંમત લગભગ 47.9 મિલિયન ડોલર છે. આ સાથે, પોલીસે કેનેડામાં રહેતા ભારતીય મૂળના સાત લોકો સહિત કુલ નવ લોકોની ધરપકડ કરી છે. ધરપકડ કરાયેલા લોકોમાં સજ્જિત યોગેન્દ્રરાજા (31), મનપ્રીત સિંહ (44), ફિલિપ ટેપ (39), અરવિંદર પોવાર (29), કરમજીત સિંહ (36), ગુરતેજ સિંહ (36), સરતાજ સિંહ (27), શિવ ઓમકાર સિંહ (31) અને હાઓ ટોમી હુઈન્હ (27)નો સમાવેશ થાય છે.
ડ્રગ્સમાંથી મળતા પૈસાનો ઉપયોગ ભારત વિરોધી પ્રવૃત્તિઓમાં થતો હતો
પોલીસના જણાવ્યા અનુસાર, આ ગેંગ કોમર્શિયલ ટ્રકો દ્વારા અમેરિકા અને કેનેડા વચ્ચે ડ્રગ્સ મોકલતી હતી. આ જૂથના અમેરિકામાં મેક્સીકન ડ્રગ કાર્ટેલ અને ડ્રગ વિતરકો સાથે સંબંધો હતા. સૂત્રોના જણાવ્યા અનુસાર, ડ્રગ્સ વેચીને મળેલા પૈસાનો ઉપયોગ ભારત વિરોધી પ્રવૃત્તિઓ જેમ કે વિરોધ પ્રદર્શન, લોકમત, શસ્ત્રોની ખરીદી વગેરેમાં થતો હતો. ગુપ્તચર એજન્સીઓને શંકા છે કે પાકિસ્તાનની ગુપ્તચર એજન્સી ISI આ ડ્રગ નેટવર્કને ટેકો આપી રહી છે, જે કેનેડામાં ખાલિસ્તાની જૂથોનો ઉપયોગ મેક્સીકન કોકેન અને અફઘાન હેરોઈનની દાણચોરી માટે કરી રહી છે.
આ પણ વાંચો
- vaibhav suryavanshi: વસીમ અકરમે PSL સામે અરીસો ધર્યો: વૈભવનું ઉદાહરણ આપીને પૂછ્યું – ૧૦ વર્ષમાં સૂર્યવંશી જેવા કેટલા બેટ્સમેન તૈયાર થયા?
- xi jinping: પીએમ મોદીને મળવા શી જિનપિંગ નવી દિલ્હી પહોંચ્યા; સાત વર્ષ પછીની આ મુલાકાત શા માટે મહત્વપૂર્ણ છે?
- ખેડૂતોને આર્થિક સહાય પૂરી પાડો અને મનરેગા યોજના હેઠળ રોજગારીના દિવસોમાં વધારો કરો : Isudan Gadhvi
- વંદે માતરમના અપમાન મામલે કોંગ્રેસના ધારાસભ્ય Imran Khedawalaની મુશ્કેલીઓ વધી; સ્પીકરે વિશેષાધિકાર સમિતિને આપ્યો તપાસનો આદેશ
- Ahmedabadના લાંભામાં ખાદ્ય તેલના રિપેકિંગ યુનિટ પર AMCની કાર્યવાહી, 3.93 લાખ રૂપિયાથી વધુનું તેલ જપ્ત