Vadodara : લારી-ગલ્લા હટાવવા અંગે રજૂઆત કરવા આવેલા યૂથ કોંગ્રેસનાં કાર્યકરો અને ભાજપ કોર્પોરેટરો વચ્ચે ઝપાઝપીનાં દ્રશ્યો સર્જાયા હતા. જો કે, સિક્યોરિટી જવાનોએ વચ્ચે પડીને મામલો થાળે પાડ્યો હતો. ભાજપ અને કોંગ્રેસ કોર્પોરેટરો વચ્ચે પણ ઊગ્ર બોલાચાલી થઈ હોવાની માહિતી છે.
યૂથ કોંગ્રેસનાં કાર્યકરો અને ભાજપ કોર્પોરેટરો વચ્ચે ઘર્ષણ
આજે Vadodara : કોર્પોરેશનની સામાન્ય સભા યોજાઈ હતી. જો કે, આ દરમિયાન માહોલ ઊગ્ર બન્યો હતો. યુથ કોંગ્રેસનાં કેટલાક કાર્યકરો સભા દરમિયાન પહોંચ્યા હતા અને લારી-ગલ્લા હટાવવા અંગે રજૂઆત કરી હતી. માહિતી અનુસાર, સભામાં ઘૂસવાનો પ્રયાસ કરતા કાર્યકરો અને ભાજપનાં કોર્પોરેટરો વચ્ચે ઊગ્ર બોલાચાલી થઈ હતી અને સ્થિતિ ઝપાઝપી સુધી પહોંચી ગઈ હતી. જો કે, સિક્યોરિટી જવાનોએ વચ્ચે પડીને મામલો થાળે પાડ્યો હતો.
અમીબેન રાવતનાં નિવદેન બાદ માહોલ વધુ ઊગ્ર થયાનો આરોપ
બીજી તરફ ભાજપ અને કોંગ્રેસનાં કોર્પોરેટર વચ્ચે પણ ઘર્ષણ જોવા મળ્યું હતું. કોંગ્રેસ કોર્પોરેટર અમીબેન રાવતે સભા ચાલુ થતા પહેલા ‘કામો કેમ મંજૂર કરાવી નાટક કર્યું’ તેમ કહેતા બબાલ થઈ હતી. ભાજપનાં સભ્યોએ પણ મેયર અને તમામ સભાસદોનું અપમાન ગણાવી હોબાળો મચાવ્યો હતો. અમીબેન રાવત પાસે શબ્દો પાછા લેવા માગ કરી હતી. ‘શબ્દો પાછા લો’ તેવા નારા ભાજપ કોર્પોરેટરોએ લગાવ્યા હતા.
આ પણ વાંચો..
- Ahmedabad: હિંમતલાલ પાર્ક BRTS બસ સ્ટેન્ડ પર એક કર્મચારીનો મહિલાઓ સાથે ગેરવર્તનનો વીડિયો વાયરલ
- Vadodara: તાંદલજામાં અકસ્માત બાદ અધિકારીઓ સતર્ક, લોકો સાથે ઘર્ષણ, 8 દુકાનો તોડી પાડવામાં આવી, 5 ટ્રક જપ્ત
- Banaskantha: ડીસામાં એશિયાનું પ્રથમ ‘રણ થીમ આધારિત’ પ્રાણી સંગ્રહાલય અને રાત્રિ સફારી આકાર લેશે, 542 કરોડ રૂપિયાના પ્રોજેક્ટને લીલી ઝંડી
- Karnataka: કર્ણાટકમાં આજથી તમાકુ, ગુટખા અને પાન મસાલા પર એક વર્ષનો પ્રતિબંધ અમલમાં
- Gujarat: ગુજરાતમાં મેઘરાજાની સવારી, બે કલાકમાં 48 તાલુકામાં વરસાદ, છેલ્લા 24 કલાકમાં 119 તાલુકામાં મેઘમહેર