Vadodara : હોળીના દિવસે (13 માર્ચ, 2025) રાત્રે બનેલા એક ભયાનક હિટ એન્ડ રન કેસમાં રક્ષિત ચૌરસિયા નામના યુવકે નશાની હાલતમાં પોતાની વોક્સવેગન કાર 140 કિમી/કલાકની ઝડપે હંકારીને આમ્રપાલી રોડ પાસે 8 લોકોને અડફેટે લીધા હતા. આ દુર્ઘટનામાં એક મહિલાનું કરુણ મોત થયું હતું. આ કેસમાં કારેલીબાગ પોલીસે 90 દિવસમાં કોર્ટમાં ચાર્જશીટ રજૂ કરી દીધી છે.
ચાર્જશીટની મુખ્ય વિગતો:
- પોલીસ ચાર્જશીટ મુજબ, અકસ્માત સર્જાયા બાદ પણ 5 સેકન્ડ સુધી રક્ષિતની કારની સ્પીડ 140 કિમી/કલાક જ રહી હતી.
- આ સમયગાળા બાદ કારની મલ્ટીક્લોઝન બ્રેક સિસ્ટમ આપોઆપ એક્ટિવ થઈ ગઈ હતી, જેના કારણે કાર ઓટોમેટિકલી ઊભી રહી ગઈ હતી.
- ચાર્જશીટમાં સ્પષ્ટપણે જણાવાયું છે કે રક્ષિતે બ્રેક પર પગ મૂક્યો જ નહોતો.
પ્રાંશુ ચૌહાણનો ગાંજા કેસ અને વડોદરા સેશન્સ કોર્ટનો નિર્ણય:
- રક્ષિતકાંડના આરોપીઓમાંના એક પ્રાંશુ ચૌહાણ ને ગાંજાના કેસમાં વડોદરા સેશન્સ કોર્ટે મોટી રાહત આપી છે.
- કારેલીબાગ પોલીસે 5 એપ્રિલ, 2025ના રોજ પ્રાંશુની અટકાયત કરી હતી.
- મેજિસ્ટ્રેટે પ્રાંશુની અટકાયત ગેરકાયદેસર અને ગેરબંધારણીય માની તાત્કાલિક મુક્ત કરવાનો આદેશ આપ્યો હતો.
- સરકારે મેજિસ્ટ્રેટના આ હુકમ સામે રિવિઝન અરજી કરી હતી, જેને વડોદરા સેશન્સ કોર્ટે નામંજૂર કરીને મેજિસ્ટ્રેટના હુકમને યોગ્ય ઠેરવ્યો છે. પ્રાંશુના વકીલ દ્વારા લેવાયેલા વાંધાને કોર્ટે ગ્રાહ્ય રાખ્યા છે.
કેસ સંબંધિત અન્ય મહત્વની વિગતો:
- આ અકસ્માતને નજરે જોનારા 12 સાક્ષીઓના નિવેદન BNSSની કલમ 183 મુજબ મેજિસ્ટ્રેટ સમક્ષ નોંધવામાં આવ્યા છે.
- પોલીસે 100 જેટલા સાક્ષીઓની તપાસ કરી છે.
- શરૂઆતમાં પોલીસ દ્વારા પ્રાંશુ અને સુરેશને સાક્ષી બનાવવામાં આવ્યા હતા, પરંતુ ફોરેન્સિક રિપોર્ટમાં બંનેના ડ્રગ્સ સેવનના રિપોર્ટ પોઝિટિવ આવતા પોલીસે તેમની સામે ગુનો દાખલ કરીને ધરપકડ કરી હતી.
- પોલીસે અકસ્માત સમયે આરોપી રક્ષિતનો વીડિયો ફોરેન્સિક તપાસ માટે મોકલ્યો હતો, જે રક્ષિતના 8 એંગલથી લેવાયેલા ફોટો સાથે મેચ થઈ ગયો છે.
- એ પણ સામે આવ્યું છે કે 26 નવેમ્બર, 2024ના રોજ પ્રાંશુએ પોતાની વોક્સવેગન કાર રક્ષિતને ચલાવવા આપી હતી. તે દિવસે પણ રક્ષિતે ફુલ સ્પીડમાં કાર ચલાવીને ડિવાઈડર પર ચડાવી દીધી હતી. જોકે, તે સમયે કોઈ જાનહાનિ થઈ નહોતી, પરંતુ આસપાસના લોકોના જીવ જોખમમાં મુકાયા હતા. આ અકસ્માતનો રિપોર્ટ પણ કંપનીએ પોલીસને આપ્યો છે.
- આ બાબત દર્શાવે છે કે પ્રાંશુ જાણતો હતો કે રક્ષિતને ઝડપથી કાર ચલાવવાની ટેવ છે, તેમ છતાં તેણે રક્ષિતને બીજી વાર કાર ચલાવવા આપી, જેના પરિણામે આ ગંભીર અકસ્માત સર્જાયો અને એક મહિલાનું મોત થયું.
આ પણ વાંચો..
- Cancer: કેન્સરની 543 દવાઓના ભાવમાં મોટો ઘટાડો… કેટલીક દવાઓના ભાવમાં 90%થી વધુનો ઘટાડો; નવા દરો 9 નવેમ્બરથી અમલી બનશે
- arnab: આંધ્રપ્રદેશમાં પાંચ લોકોનાં મૃત્યુ; ઓડિશાના અનેક જિલ્લાઓમાં એલર્ટ જાહેર; નાયડુએ અમિત શાહને પત્ર લખ્યો
- vande bharat: આ શહેરોને ટૂંક સમયમાં ‘વંદે ભારત સ્લીપર ટ્રેન’ની ભેટ મળી શકે છે; અહીં સંપૂર્ણ રૂટની વિગતો છે
- parineeti chopra: “મૂર્ખાઓની જેમ…” – જેનિફર વિંગેટ સાથે મતભેદ હોવાના અહેવાલો પર પરિણીતી ચોપરા ભડકી ઉઠી, ટ્રોલ કરનારાઓને સણસણતો જવાબ આપ્યો.
- amit shah: ‘અમિત શાહના નિવાસસ્થાને ટાટાની બેઠક શા માટે?’: રાહુલ ગાંધીના સીતારમણને તીખા સવાલો; કહ્યું કે વેપારી સમુદાય સરકારથી પહેલેથી જ નારાજ છે