Baroda ડેરીના MDના રાજીનામા બાદ MLA કેતન ઈનામદારે આક્ષેપ કર્યા છે, ધારાસભ્ય કેતન ઈનામદારે ફરી ગંભીર આક્ષેપ લગાવ્યા છે અને કહ્યું કે, MDએ 10 દિવસમાં તપાસ પૂર્ણના આદેશ આપ્યા હતા અને બરોડા ડેરીમાં થતી ગેરરીતિનું આ ઉત્તમ ઉદાહરણ છે સાથે સાથે તપાસમાં શું આવ્યું તે બહાર પાડ્યા પહેલા જ રાજીનામું આપ્યું છે.
કેતન ઈનામદારે મોટા માથાઓની પણ સંડોવણી હોવાના કર્યા આક્ષેપ
ધારાસભ્ય કેતન ઈનામદારે કહ્યું કે, આ સંડોવણીમાં મોટા માથાઓનો પણ હાથ છે અને ઉચ્ચ અધિકારીઓ પણ સામેલ હોવાના કર્યા આક્ષેપ સાથે તેમણે કહ્યું કે આ કૌંભાડમાં જે તપાસ કરવામાં આવી છે તેમાં મને કોઈ ભરોસો નથી, જિલ્લા રજીસ્ટ્રાર અને DSPની તપાસમાં ભરોસો છે સાથે સાથે છોટાઉદેપુર અને વડોદરા જિલ્લામાં તપાસ કરવા માગ કરવામાં આવી છે.
બરોડા ડેરીના એમ. ડી.અજય જોશીએ નિવૃત્તીના 10 મહિના પહેલા રાજીનામું આપ્યું
વડોદરા જિલ્લા દૂધ ઉત્પાદક સંઘ ( બરોડા ડેરી)ના વહીવટ એમ. ડી.અજય જોશીએ નિવૃત્તીના 10 મહિના પહેલાં જ હોદ્દા પરથી આપેલું રાજીનામું સંઘના નિયમક મંડળ દ્વારા મંજૂર કરાયું છે. ગુજરાત સ્ટેટ કો.ઓ.મિલ્ક માર્કેટિંગ ફેડરેશન દ્વારા અજય જોશીના સ્થાને જીસીએમએફના એજીએમ (કોમર્શિયલ અને પ્રોડક્ટ મેનેજમેન્ટ) હિમાંશુ ભટ્ટને પ્રતિનિયુક્ત કરવામાં આવ્યા છે. બરોડા ડેરીના વહીવટ સામે ગત મહિને જ સાવલીના ધારાસભ્ય કેતન ઈનામદારે આક્ષેપો કર્યા હતા. ડેસર તાલુકાની મંડળીમાં રૂ.39 લાખના કૌભાંડની તપાસની માગણી કરતાં તપાસ શરૂ થઇ છે તેનો જાહેર થાય તે પહેલાં જ એમ.ડી.ના રાજીનામાએ સહકારી ક્ષેત્રે ચર્ચા જગાવી છે.
મેરાકૂવા મંડળીમાં કયા મુદ્દે તપાસ શરૂ થઇ ?
મેરાકુવા ગામની દૂધ ઉત્પાદક સહકારી મંડળીમાં મૈયત સભાસદોના નામે ખોટા સભાસદો ઊભા કરી ખાતામાંથી કુલ રૂ.39.92 લાખ ઉપાડી મંડળી અને સંસ્થાને આર્થિક નુકસાન થયું છે. જેમાં સીધી કે આડકતરી રીતે પ્રમુખ, મંત્રી, સુપરવાઈઝર અને અન્ય ઈસમો સંડોવાયેલા છે. જેથી આ વ્યાપક કૌભાંડની તપાસ કરવામાં આવે તો મોટા માથાઓની સંડોવણી બહાર આવી શકે છે તેવો આક્ષેપ પણ કરાયો હતો.
આ પણ વાંચો..
- Aishwarya: ઐશ્વર્યાને જોઈને યુઝર્સને માઈકલ જેક્સનની યાદ કેમ આવતી? જાણો કનેક્શન
- Hormuz: શું હવે હોર્મુઝ સ્ટ્રેટ પાર કરવા માટે ટેક્સ ફરજિયાત બનશે? ઈરાન-અમેરિકા વાટાઘાટો વચ્ચે ઓમાન એક મોટું નિવેદન બહાર પાડ્યું
- Afghanistan: અફઘાનિસ્તાનમાં 6.2 ની તીવ્રતાનો ભૂકંપ; કાશ્મીરથી હરિયાણા સુધી આંચકા અનુભવાયા
- Gulmarg: ગુલમર્ગ, જમ્મુ અને કાશ્મીરમાં વિસ્ફોટ: એકનું મોત, અનેક ઘાયલ; વિસ્તારમાં ભયનો માહોલ
- cyber: સ્કેમર્સ પીડિતોને ફસાવવા માટે નકલી સાયબર ક્રાઇમ રિપોર્ટિંગ પોર્ટલ બનાવે છે; અહીં કેવી રીતે સુરક્ષિત રહેવું ?