Google Gemini : હવે તમારો સ્માર્ટફોન પણ માણસોની જેમ તમારી સાથે વાત કરી શકે છે. આ માટે મોંઘા કે પ્રીમિયમ ફોનની જરૂર નથી ગુગલએ તેના વાર્ષિક ડેવલપર ઇવેન્ટ ગુગલ I/O 2025 માં જેમિની લાઈવ નામની એક શાનદાર AI ફીચર રજૂ કર્યું છે. આ ફીચરની મદદથી, તમે ફક્ત તમારા ફોન સાથે વાત કરી શકતા નથી, પરંતુ કેમેરા ચાલુ કરીને તમારી આસપાસની વસ્તુઓ વિશે પણ માહિતી મેળવી શકો છો. આ ટેકનોલોજી ગુગલના પ્રોજેક્ટ એસ્ટ્રાનો એક ભાગ છે, જેને કંપની લાંબા સમયથી વિકસાવી રહી હતી અને ગયા વર્ષે પહેલી વાર તેનું પ્રદર્શન કરવામાં આવ્યું હતું.
ગુગલે તેના X (ટ્વિટર) હેન્ડલ પર જણાવ્યું હતું કે જેમિની લાઈવ ટૂંક સમયમાં કેલેન્ડર, કીપ નોટ્સ, ટાસ્ક અને મેપ્સ જેવી એપ્સમાં એકીકૃત કરવામાં આવશે. મતલબ, કેમેરા ફેરવો અને જેમિની તમને કહેશે કે ક્યાં જવું, શું નોંધવું અથવા ઇવેન્ટ કેવી રીતે ઉમેરવી.
જેમિની લાઈવનો ઉપયોગ કેવી રીતે કરવો?
- સૌ પ્રથમ તમારા એન્ડ્રોઇડ અથવા આઇફોનમાં પ્લે સ્ટોર અથવા એપ સ્ટોરમાંથી જેમિની AI એપ ડાઉનલોડ કરો.
- એપ ઇન્સ્ટોલ થઈ ગયા પછી, જરૂરી પરવાનગીઓ આપો જેથી તે તમારી સાથે વાતચીત કરી શકે.
- એપ ખોલો અને માઇક આઇકોનની બાજુમાં આવેલા જેમિની લાઇવ બટનને ટેપ કરો.
- કેમેરા આઇકોન પર ટેપ કરો, તમે જે સ્કેન કરવા માંગો છો તેના પર કેમેરાને પોઇન્ટ કરો અને સ્ક્રીન પર ટેપ કરો.
અને બસ – તમારો ફોન તમારા પ્રશ્નોના જવાબ માનવ જેવી ભાષામાં આપશે! જેમિની લાઇવ તમે જે વસ્તુઓ જુઓ છો તેને ઓળખશે અને ઓનલાઇન માહિતી ખેંચશે. ધ્યાનમાં રાખો કે આ માટે ફોન ઇન્ટરનેટ સાથે જોડાયેલ હોવો જોઈએ. ગૂગલની નવી સુવિધા તમારા સ્માર્ટફોનનો ઉપયોગ કરવાની રીતને સંપૂર્ણપણે બદલી શકે છે. વાતચીત હવે ફક્ત માણસો સુધી મર્યાદિત નથી – તમારો ફોન તમારો સ્માર્ટ સાથી બની શકે છે.
આ પણ વાંચો..
- vaibhav suryavanshi: વસીમ અકરમે PSL સામે અરીસો ધર્યો: વૈભવનું ઉદાહરણ આપીને પૂછ્યું – ૧૦ વર્ષમાં સૂર્યવંશી જેવા કેટલા બેટ્સમેન તૈયાર થયા?
- xi jinping: પીએમ મોદીને મળવા શી જિનપિંગ નવી દિલ્હી પહોંચ્યા; સાત વર્ષ પછીની આ મુલાકાત શા માટે મહત્વપૂર્ણ છે?
- ખેડૂતોને આર્થિક સહાય પૂરી પાડો અને મનરેગા યોજના હેઠળ રોજગારીના દિવસોમાં વધારો કરો : Isudan Gadhvi
- વંદે માતરમના અપમાન મામલે કોંગ્રેસના ધારાસભ્ય Imran Khedawalaની મુશ્કેલીઓ વધી; સ્પીકરે વિશેષાધિકાર સમિતિને આપ્યો તપાસનો આદેશ
- Ahmedabadના લાંભામાં ખાદ્ય તેલના રિપેકિંગ યુનિટ પર AMCની કાર્યવાહી, 3.93 લાખ રૂપિયાથી વધુનું તેલ જપ્ત