Surat:: સુરતમાં ગે ડેટિંગ એપ મારફતે સમલૈંગિક યુવકોને નિશાન બનાવી ઠગાઈ કરતી ટોળકી ફરી સક્રિય બની છે. તાજેતરમાં ત્રણ શખ્સોએ એક રત્નકલાકારને એપ દ્વારા ચેટિંગ કરીને મળવા બોલાવી રોકડ, મોબાઈલ અને બાઈક લૂંટી લીધી હતી. પીડિતની ફરિયાદ બાદ વરાછા પોલીસે બે આરોપીઓને ઝડપી કાયદેસરની કાર્યવાહી શરૂ કરી છે.
શું છે આખો કેસ?
માહિતી મુજબ, કતારગામમાં રહેતા 29 વર્ષીય રત્નકલાકાર ગે ડેટિંગ એપ પર મિત્રતા કરતો હતો. તે દરમિયાન એક અજાણ્યા યુવક સાથે સંપર્ક થયો હતો. 18મી ઓગસ્ટે યુવકે તેને વરાછા મારુતિ ચોક પાસે મળવા બોલાવ્યો. બાઈક લઈને પહોચેલા રત્નકલાકારને એક યુવકે ચપ્પુ બતાવી ગલીમાં ચોથા માળે લઈ ગયો, જ્યાં બીજા બે યુવકો હાજર હતા. ત્રણેયે મળીને તેને ધમકાવી 50 હજારની માંગ કરી.
રત્નકલાકારે પૈસા નથી કહ્યું ત્યારે તેનો વીડિયો ઉતારી વાઈરલ કરવાની ધમકી આપી માર માર્યો હતો. ત્યારબાદ આરોપીઓએ તેની મોબાઈલમાંથી 5 હજાર ઓનલાઈન ટ્રાન્સફર કર્યા, ફોન છીનવી લીધો અને 80 હજારની બાઈક લઈને ફરાર થઈ ગયા.
પોલીસની કાર્યવાહી
રત્નકલાકારે તરત જ વરાછા પોલીસ મથકે ત્રણેય સામે ફરિયાદ નોંધાવી. પોલીસે અર્શિત સાખંટ અને દીપેન રાઠોડને પકડી લીધા છે જ્યારે ત્રીજા આરોપીની શોધખોળ ચાલુ છે. તપાસમાં સામે આવ્યું કે અર્શિત સામે 2024માં હત્યાનો ગુનો નોંધાયેલો છે, જ્યારે દીપેન સામે જૂનાગઢ માળિયા હાટીના પોલીસ મથકે ગુનો નોંધાયો છે.
આ પણ વાંચો
- nepal: નેપાળના વડાપ્રધાન બાલેન્દ્ર શાહ આ મહિને ભારતની મુલાકાત લઈ શકે છે; વિદેશ સચિવ વિક્રમ મિસરીની મુલાકાત દરમિયાન કાર્યસૂચિ (એજન્ડા) નક્કી કરવામાં આવશે
- Dhanteras: સાવરણી, સોનું કે વાસણો… ધનતેરસથી દિવાળી સુધીના સમયગાળામાં કઈ વસ્તુ ખરીદવી સૌથી શુભ ગણાય છે?
- reliance: મુકેશ અંબાણી માટે તહેવારોના સમયમાં મોટી ખુશખબર! શેરબજારમાં રિલાયન્સ ઇન્ડસ્ટ્રીઝના શેરમાં જોરદાર ઉછાળો આવતા, એક જ દિવસમાં તેમની સંપત્તિમાં અબજો ડોલરનો વધારો થયો છે
- diljit dosanjh: દિલજીત દોસાંજનો ઈન્દોર શો રદ કરવાની ધમકી; મેયરને ઈમેલ મળ્યો, પોલીસે તપાસ શરૂ કરી
- trump: ટ્રમ્પ માટે મધ્યસત્ર ચૂંટણીઓમાં હારવું એ કોઈ અસામાન્ય બાબત નહીં હોય; આવી ૨૦ ઘટનાઓમાંથી ૧૮માં રાષ્ટ્રપતિના પક્ષને હારનો સામનો કરવો પડ્યો છે