Rajkot: હિરાસર એરપોર્ટ પર ટેક ઓફ દરમિયાન એર ઇન્ડિયાના વિમાનમાં ટેક્નીકલ ખામી સર્જાતા કરાઈ ઈમરજન્સી લેડિંગ
Rajkot: રાજકોટના હિરાસર આંતરરાષ્ટ્રીય વિમાનમથક પર એક મોટી વિમાન દુર્ઘટના ટળી ગઈ. રાજકોટથી દિલ્હી જતી એર ઇન્ડિયાની ફ્લાઇટ ટેકઓફ દરમિયાન પક્ષી સાથે અથડાઈ. આ દૂર્ઘટનામાં અચાનક ટેકનિકલ ખામી સર્જાઈ હતી. જોકે, પાઇલટે ખૂબ જ સતર્કતા અને કુશળતાથી હિરાસર એરપોર્ટ પર સલામત કટોકટી ઉતરાણ કર્યું હતું. જેનાથી એરપોર્ટ વહીવટીતંત્રને રાહત મળી.
એન્જિનના પંખાના બ્લેડને ભારે નુકસાન થયું.
અહેવાલો અનુસાર, આ એર ઇન્ડિયા ફ્લાઇટમાં ૧૨૪ મુસાફરો હતા. વિમાન રનવે પરથી ઉડાન ભરતા જ એક પક્ષી સીધું એન્જિનના પંખામાં અથડાયું. હાઇસ્પીડ ટક્કરથી એન્જિનના પંખાના બ્લેડને ભારે નુકસાન થયું. પાઇલટને તરત જ એન્જિનમાં ખામી અને નુકસાનની જાણ થઈ.
પાઇલટની કુશળતાથી મોટો અકસ્માત ટળી ગયો.
હવામાં જ એન્જિનમાં ખામી સર્જાતા મુસાફરોના શ્વાસ અધ્ધર થઈ હતા. જોકે, પાઇલટે ગભરાયા વગર વિમાન પર કાબૂ મેળવ્યો અને તાત્કાલિક એર ટ્રાફિક કંટ્રોલ (ATC) નો સંપર્ક કર્યો અને રનવે પર સુરક્ષિત રીતે વિમાનને લેન્ડ કર્યું. પાઇલટની ઝડપી કાર્યવાહીથી અકસ્માત ટળી ગયો.
એન્જિનિયરો દ્વારા કરવામાં આવેલી પ્રાથમિક તપાસમાં જાણવા મળ્યું છે કે એર ઇન્ડિયાના વિમાનના એન્જિન પંખાના બ્લેડને ભારે નુકસાન થયું હતું, જેના કારણે વિમાનમાં ખામી સર્જાઈ હતી.