Asian Games 2026: એશિયન ગેમ્સ 2026ના ચોથા દિવસે પણ ભારતીય ખેલાડીઓએ વિવિધ રમતગમતની ઇવેન્ટ્સમાં પોતાનું પ્રભાવશાળી પ્રદર્શન ચાલુ રાખ્યું. આ દિવસ ભારત માટે ખાસ કરીને સોફ્ટ ટેનિસ અને શૂટિંગમાં સફળ રહ્યો, જ્યાં તેમણે વધુ મેડલ જીત્યા. દરમિયાન, મીરાબાઈ ચાનુ વેઈટલિફ્ટિંગમાં ગોલ્ડ મેડલ ચૂકી ગઈ અને તેમને સિલ્વર મેડલથી સંતોષ માનવો પડ્યો.
એશિયન ગેમ્સમાં અત્યાર સુધી ભારતીય મેડલ વિજેતાઓની યાદી (કુલ ૧૧ મેડલ):
એલાવેનિલ વાલારિવન, સોનમ મસ્કર અને વિદર્શા વિનોદ – મહિલા 10 મીટર એર રાઇફલ ટીમ ઇવેન્ટ (શૂટિંગ): સિલ્વર મેડલ
એલાવેનિલ વાલારિવન – મહિલા 10 મીટર એર રાઇફલ (શૂટિંગ): સિલ્વર મેડલ
રુદ્રંશ પાટિલ, હિમાંશુ ધિલ્લોન અને પાર્થ રાકેશ માને – પુરુષોની 10 મીટર એર રાઇફલ ટીમ ઇવેન્ટ (શૂટિંગ): સિલ્વર મેડલ
સુચિકા તરિયાલ – મહિલા પરંપરાગત 60 કિગ્રા કેટેગરી (MMA): બ્રોન્ઝ મેડલ
રુદ્રંશ પાટિલ – પુરુષોની 10 મીટર એર રાઇફલ (શૂટિંગ): બ્રોન્ઝ મેડલ
હિમાંશુ ધિલ્લોન – પુરુષોની 10 મીટર એર રાઇફલ (શૂટિંગ): સિલ્વર મેડલ
મહિલા ક્રિકેટ ટીમ: ગોલ્ડ મેડલ
રાયઝા ધિલ્લોન, મહેશ્વરી ચૌહાણ અને પરિનાઝ ધાલીવાલ – શૂટિંગ (સ્કીટ મહિલા ટીમ ઇવેન્ટ): બ્રોન્ઝ મેડલ
અનંતજીત સિંહ નારુકા, મૈરાજ અહેમદ ખાન અને ભવતેજ સિંહ ગિલ – શૂટિંગ (સ્કીટ મેન્સ ટીમ ઇવેન્ટ): બ્રોન્ઝ મેડલ
જય મીના – સોફ્ટ ટેનિસ: બ્રોન્ઝ મેડલ
મીરાબાઈ ચાનુ (વેઇટલિફ્ટિંગ): સિલ્વર મેડલ
સોફ્ટ ટેનિસમાં ઇતિહાસ રચાયો
દિવસનો સૌથી મોટો હાઇલાઇટ સોફ્ટ ટેનિસ સ્પર્ધા હતી. સેમિફાઇનલમાં જાપાનના ટોકોયા કુરોસાકા સામે 2-4થી હારવા છતાં, ભારતના જય મીનાએ બ્રોન્ઝ મેડલ જીત્યો. એશિયન ગેમ્સના ઇતિહાસમાં સોફ્ટ ટેનિસમાં આ ભારતનો પહેલો મેડલ છે, જે દેશનું ગૌરવ વધારે છે.