Vadodara કોર્પોરેશનના તંત્ર દ્વારા શહેરમાં છેલ્લા કેટલાક દિવસથી શરૂ કરાયેલી દબાણ હટાવો ઝુંબેશ આજે પણ જારી રહી હતી. શહેરના દક્ષિણ ઝોન વિસ્તારમાં વોર્ડ નં.૧૬, ૧૭ અને ૧૯ માં રોડ રસ્તાના હંગામી દબાણો હટાવવાની કાર્યવાહી હાથ ધરી હતી. જેમાં તરસાલી શાક માર્કેટ સહિત આજુબાજુના વિસ્તારમાંથી ગેરકાયદે લારી ગલ્લા, પથારા સહિત કાચા-પાક્કા શેડ હટાવીને દબાણ શાખાની ટીમે ચાર ટ્રક માલસામાન કબજે કર્યો હતો.
Vadodara: લારીગલ્લા, પથારા, કાચા-પાક્કા શેડ હટાવી ચાર ટ્રક સામાન જપ્ત
શહેરના વિવિધ વિસ્તારોમાંથી | છેલ્લા કેટલાક દિવસથી રોડ રસ્તા પરના ગેરકાયદે દબાણો હટાવવાની કામગીરી ચાલુ લુ કરાઈ છે. ગઈકાલે પાણીગેટથી મહાવીર હોલ ચાર રસ્તા સુધીના દબાણ હટાવની કામગીરી થઈ હતી. આજે શહેરના તરસાલી શાકમાર્કેટ આસપાસના દબાણો દુર રોડ લાઈનમાં આવતા દબાણો સહિત કાચા પાક્કા શેડ તોડી ચાર ટ્રક જેટલો માલ સામાન કબજે કરવામાં આવ્યો છે.
આ કામગીરી દરમિયાન તમાશો જોવા લોકટોળા એકત્ર થતાં રોડ રસ્તા પર ટ્રાફિકજામના દ્રશ્યો સર્જાતા પોલીસે રસ્તા ખુલ્લા કરાવ્યા હતા. દબાણો હટાવતી વખતે કેટલીક જગ્યાએ બોલાચાલી પણ થઈ હતી. આ કાર્યવાહીમાં ત્રણેય વોર્ડ ઓફિસરો, ત્રણેય વોર્ડનો સ્ટાફ, બંદોબસ્ત માટે મકરપુરા પોલીસ સ્ટેશનનો કાફલો, જમીન મિલકત શાખાની ટીમ ટીડીઓ, ટીપીની ટીમ પણ જોડાઈ હતી.