Social Media Fraud : સાયબર ગઠિયાએ ટેલિગ્રામ દ્વારા રોકાણના નામે યુવકને 12 લાખનો ચુનો લગાવ્યો

Social Media Fraud :  સુરત જિલ્લાના બારડોલી તાલુકાના આફવા ગામના 30 વર્ષીય યુવક સાથે ઓનલાઈન નાણાં પડાવી લેવાની ઘટના સામે આવી છે. અજાણ્યા ઠગે ટેલિગ્રામ એપ્લિકેશન દ્વારા ઊંચું વળતરની લાલચ આપીને યુવક પાસેથી 12 લાખ રૂપિયાથી વધુની રકમ પડાવી લીધી. આ અંગે બારડોલી ગ્રામીણ પોલીસમાં ફરિયાદ નોંધાઈ છે અને પોલીસે તપાસ શરૂ કરી છે.

પોલીસના જણાવ્યા અનુસાર, આફવા ગામના પટેલ ફળિયામાં રહેતા અને નોકરી કરતા દર્શનભાઈ પરેશભાઈ ટેલર (ઉંમર 30)ના મોબાઈલ નંબર પર ગયા જાન્યુઆરી મહિનામાં અજાણ્યા મોબાઈલ નંબર પરથી ટેલિગ્રામ પર મેસેજ આવ્યો હતો. મેસેજમાં ફોનિક્સ મિલ્સ લિમિટેડ નામની કંપનીમાં સ્ટાફ ભરતી ચાલી રહી હોવાનું અને તેમાં રોકાણ કરવાથી રોજના 3500થી 5500 રૂપિયા સુધીની કમાણીની લાલચ આપવામાં આવી હતી.

આ રીતે આપી લાલચ

શરૂઆતમાં વિશ્વાસ જીતવા માટે કંપનીએ દર્શનભાઈને 1000 રૂપિયા આપ્યા. ત્યારબાદ તેમણે 10,000 રૂપિયાનું રોકાણ કર્યું તો તેમને 18,000 રૂપિયા પરત મળ્યા. આથી લાલચમાં આવીને વધુ નફો કમાવવાની લાલસામાં દર્શનભાઈએ ગૂગલ પે દ્વારા 12,10,319 રૂપિયાનું રોકાણ કર્યું હતુ.

રૂપિયા પરત માંગતા ગ્રુપમાંથી કાઢી મુક્યા

જ્યારે દર્શનભાઈએ રોકાણ કરેલી મોટી રકમ પરત મેળવવાનો પ્રયાસ કર્યો, ત્યારે ઠગે ઓડિટ ફીના નામે 7 લાખ રૂપિયાની વધુ માગણી કરી. દર્શનભાઈએ આ રકમ ચૂકવવાનો ઇનકાર કર્યો અને પોતાની મૂળ રોકાણની રકમ પરત માગી, પરંતુ ઠગે રૂપિયા પરત ન કર્યા અને તેમને ટેલિગ્રામ ગ્રૂપમાંથી પણ હટાવી દીધા હતા.

બારડોલી ગ્રામ્ય મથકે ફરીયાદ નોંધાઈ

પોતાની સાથે વિશ્વાસઘાત અને Social Media Froud થયાનું સમજાતાં દર્શનભાઈએ બારડોલી ગ્રામ્ય પોલીસ સ્ટેશનમાં અજાણ્યા શખ્સ સામે ભારતીય ન્યાય સંહિતા (BNS)ની કલમ 316(2), 318(4) અને માહિતી ટેકનોલોજી અધिनિયમ (IT એક્ટ)ની કલમ 66(D) હેઠળ ફરિયાદ નોંધાવી છે.

આ પણ વાંચો..

• Communist party: ચીની કોમ્યુનિસ્ટ પાર્ટી આવતીકાલે બેઇજિંગમાં એક મહત્વપૂર્ણ બેઠક, આગામી પાંચ વર્ષ માટે તેની યોજનાઓ શું છે?
• Parisમાં નટવરલાલનું અદ્ભુત કૃત્ય! તેણે લુવર મ્યુઝિયમમાંથી માત્ર સાત મિનિટમાં નવ શાહી ઝવેરાત કેવી રીતે ચોર્યા?
• Traffic: AUDA દ્વારા પુલનું સમારકામ શરૂ થતાં SP રિંગ રોડ પર ટ્રાફિક ડાયવર્ઝનની જાહેરાત
• Nepalના ભૂતપૂર્વ પીએમ ઓલીએ કહ્યું, “કારણ વગર મારી ધરપકડ કરવાનું કાવતરું ઘડવામાં આવી રહ્યું છે, સરકાર ગેરબંધારણીય છે.”
• Pakistan: લાહોર હાઈકોર્ટમાં શાહબાઝ અને મરિયમ નવાઝ વિરુદ્ધ અરજી દાખલ, ઈમરાન ખાનની પાર્ટીએ કેસ કેમ દાખલ કર્યો છે?