Ahemdabadમાં રીલની ઘેલછાંએ 3 યુવાનોને મોત આપ્યુ : ભાડાની સ્કોર્પિયો ગાડી સાથે યુવકો કેનાલમાં ખાબક્યા, 2 મૃતદેહ મળ્યા, ત્રીજાની શોધખોળ ચાલુ

ગઈકાલે બુધવારે મોડી સાંજે 3 યુુવકો ભાડાની સ્કોર્પિયો ગાડી લઈ અને રીલ બનાવવા માટે Ahemdabad વાસણા બેરેજ પાસેની કેનાલ પાસે પહોંચ્યા હતા. આ દરમિયાન 3 યુવકો સ્કોર્પિયો સાથે કેનાલમાં ખાબક્યા હતા. જે પૈકી 2ના મૃતદેહ મળી આવ્યા છે, જ્યારે એકની શોધખોળ ચાલુ છે.

યશ, ક્રિશ અને યક્ષ નામના 3 યુવકો 3500 રૂપિયા ભાડુ ચુકવી 4 કલાક માટે સ્કોર્પિયો ગાડી લાવ્યા હતા. જે ગાડી સાથે તેઓ Ahemdabad વાસણા બેરેજ પાસેની કેનાલ પાસે રીલ બનાવી રહ્યા હતા. આ દરમિયાન ત્રણેય યુવકો સ્કોર્પિયોમાં સવાર હતા અને અચાનક કોઈક કારણોસર 3 યુવકો સાથએ સ્કોર્પિયો કેનાલમાં ખાબકી ગઈ હતી.

આ વખતે સ્થાનિકોને જાણ થઈ અને બાદમાં પોલીસ તેમજ ફાયરબ્રિગેડને જાણ કરી સ્થળ પર બોલાવાયા હતા. કેનાલમાં પાણીનો પ્રવાહ વધારે હતો. જેથી પાણીની આવક બંધ કરાવાઈ હતી. સાથે જ તરવૈયાઓ દ્વારા કેનાલમાં યુવકોની તપાસ હાથ ધરાઈ હતી. આ તરફ વિશાલા બ્રિજ નજીક યશ સોલંકી અને યક્ષ એમ બે યુવકોના મૃતદેહ મળી આવ્યા છે.ક્રિશ દવેની હજુ શોધખોળ ચાલી રહી છે.

બે યુવકોના મૃતદેહ મળતા પરીવારોમાં આક્રંદ છવાયો છે. હજુ ત્રીજા યુવકની ભાળ મળી નથી. સ્થાનિકોના જણાવ્યા મુજબ ટર્ન ન વાગતા વાગતા ગાડી અંદર ખાબકી હતી.

આ તરફ ત્રણેય યુવકો Ahemdabad ના જ હોવાની માહિતી મળી રહી છે. રીલ બનાવવાની ઘેલછાંમાં યુવકોએ ભાડે સ્કોર્પિયો લાવી અને દરમિયાન આ દુર્ઘટના બની હોવાની પણ માહિતી સામે આવી રહી છે.

આ પણ વાંચો..

• કેરેબિયન સમુદ્રમાં ડ્રગ બોટ પર Americaની આર્મીનો ઘાતક હુમલો , 3 લોકોના મોત
• Jeffrey Epsteinનું મૃત્યુ આત્મહત્યા નહીં મર્ડર, પોસ્ટમોર્ટમ દરમિયાન હાજર ડોક્ટરે કર્યો દાવો
• Ahmedabad: SIR સમાપ્ત, હવે શિક્ષકો કૂતરાઓની ગણતરી કરશે, ફેડરેશને આપ્યું અલ્ટીમેટમ
• Rajkot: 380 કરોડ રૂપિયાના વ્યવહાર; દેશભરમાં છેતરપિંડીનું નેટવર્ક કાર્યરત, 6 ની ધરપકડ
• બેંકિંગ ક્ષેત્રના દિગ્ગજ ઉદય કોટકને ગિફ્ટ સિટીના ચેરમેન, Gujarat સરકારે કર્યા નિયુક્ત