Kheda : માર્ગ અને મકાન વિભાગના તંત્રએ દાંડી માર્ગ પર પેચવર્ક કરી નાગરીકોની સુવિધામાં વધારો કરવા પ્રયાસ કર્યો, પરંતુ આ પ્રયત્નએ નાગરીકોની હાલાકીમાં વધારો કર્યો છે. આખા રોડ પર ઠેક-ઠેકાણે પેચવર્ક કરતા રોડ ઉબડ-ખાબડ બન્યો છે.
જેના કારણે હવે દાંડીમાર્ગ પર વાહનચાલકોને ‘ડિસ્કો રોડ’ જેવી અનુભૂતિ થઈ રહી છે. મળતી માહિતી મુજબ નડિયાદમાં માર્ગ અને મકાન (રાષ્ટ્રીય) અંતર્ગત ડભાણથી શરૂ થઈ અને ઉતરસંડા થઈ આણંદ તરફ જતો માર્ગ દાંડી માર્ગ જાહેર કરાયો છે.હજારો લોકોની આવન-જાવનવાળા આ રોડ પર ખાડા પડી ગયા હતા, જેના કારણે રોડની સપાટીને રીસર્ફેસ કરવાની જરૂર ઉભી થઈ હતી. પરંતુ તંત્ર દ્વારા આ દાંડીમાર્ગ પર રીસર્ફેસીંગ કરવાના બદલે માત્ર પેચવર્ક કરી દેવાયુ છે. માત્ર ખાડાઓ પર ડામર પાથરી દેવાયો છે.
પરીણામે હવે આ આખા રોડ પર ઠીંગડાઓનું સામ્રાજ્ય વધ્યુ છે અને અગાઉ ખાડાના કારણે મુશ્કેલી થતી હતી, તે હવે આ ઠીંગડાઓના કારણે નાગરીકોને ઉબડ ખાબડ રોડ પર જતા હોય તેવી અનુભૂતિ થઈ રહી છે. તંત્ર દ્વારા રોડની સપાટીની રીસર્ફેસીંગની કામગીરી કરવાના બદલે પેચવર્ક કરતા હવે દાંડીમાર્ગ ડિસ્કો રોડ બની ગયો હોવાની જાગૃતજનોમાં તિખળ ચાલી રહી છે.
આ પણ વાંચો..
- સંયુક્ત રાષ્ટ્ર સુરક્ષા પરિષદે Pahalgam Terror Attack ની કડક નિંદા કરી, કહ્યું- ‘ગુનેગારોને ન્યાયના કઠેડામાં લાવવાની જરૂર છે’
- ‘Bilawal Bhutto એ પોતાની માનસિક સ્થિતિની તપાસ કરાવવી જોઈએ’, કેન્દ્રીય મંત્રી હરદીપ સિંહ પુરીએ કહ્યું
- Houthi Rebels એ અમેરિકાને આશ્ચર્યચકિત કરી દીધું, જાણો કેવી રીતે તેમણે 200 મિલિયન ડોલરથી વધુનું નુકસાન પહોંચાડ્યું
- Pope Francis ના અંતિમ સંસ્કાર આજે વેટિકન સિટીમાં થશે, રાષ્ટ્રપતિ ટ્રમ્પ સહિત વિશ્વભરના નેતાઓ પહોંચ્યા
- Kheda : ડભાણથી ઉતરસંડા તરફના દાંડીમાર્ગને ‘ડિસ્કો રોડ’ બનાવાયો?