ચાર ડગલા દૂર અરજી પહોંચતા 29 દિવસનો સમય લાગ્યો… આ તે કેવી લાલિયાવાડી? ગુજરાતની આ જિલ્લાની કચેરીનો બનાવ…
ગુજરાતના સરકારી બાબુઓની બેદરકારીનો કિસ્સો સામે આવ્યો છે. રાજ્યના ખેડા જિલ્લા પંચાયતના કર્મચારીઓની લાલીયાવાડી સામે આવી છે. જાગૃત નાગરીક દ્વારા કરવામાં આવેલી માહિતી અધિકાર અધિનિયમની અરજી જિલ્લા પંચાયતના સંકુલમાં એક વિભાગમાંથી બીજા વિભાગમાં મોકલવામાં 29 દિવસનો સમય લગાડવામાં આવ્યો છે. જેના કારણે કર્મચારીઓની કામગીરી સામે પ્રશ્નાર્થ ઉભો થયો છે.
મળતી માહિતી મુજબ રાજ પટેલ નામના યુવક દ્વારા પોતાની એક ભ્રષ્ટાચાર સબંધિત ફરીયાદની માહિતી અધિકાર અધિનિયમની અરજી અન્વયે જિલ્લા વિકાસ અધિકારીને સંબોધીને માહિતી માંગતી અરજી 31 ડિસેમ્બર, 2024ના રોજ કરી હતી. આ અરજી 31 ડિસેમ્બરે કર્યા બાદ નિયમોનુસાર 30 દિવસના સમયગાળામાં અરજદારને જવાબ આપવાનો હોય છે.
તેવા સંજોગોમાં જિલ્લા પંચાયતના ડીડીઓના ટપાલ વિભાગમાં 31 ડિસેમ્બરે કરેલી અરજી ટપાલની સામેના જ વિભાગમાં 4 પગલાં દૂર બેસતા ચીટનીશ કમ તાલુકા વિકાસ અધિકારી (જ.દ.)ને 29 દિવસ બાદ 28 જાન્યુઆરીએ મળી હતી. જે બાદ તાલુકા વિકાસ અધિકારી (જ.દ.) દ્વારા આ અરજીનો જવાબ 5 ફેબ્રુઆરી, 2025ના રોજ અરજદારને પાઠવવામાં આવ્યો હતો. જેમાં તપાસ ચાલુ હોવાથી માહિતી નહીં આપી શકાય તે અંગેનો કાયદો આગળ ધરી દેવાયો હતો.
જો કે, સૌથી મહત્વનો પ્રશ્ન એ છે કે, એક જ કચેરીમાં પ્રથમ માળે સામસામે આવેલા વિભાગોમાં અરજી મોકલતા 29 દિવસનો સમય કેમ લાગ્યો? તેમજ 29 દિવસ સુધી આ અરજી ક્યાં પડી રહી? તે પણ મહત્વનો પ્રશ્ન છે. તો સાથે જ કર્મચારીઓની આટલી બધી બેદરકારી કેમ? અને આવા બેજવાબદાર કર્મચારીઓ સામે પગલાં લેવાશે કે કેમ? તે અંગે અનેક સવાલો ઉભા થયા છે.
આ મામલે અરજદાર રાજ પટેલ દ્વારા જણાવાયુ કે, આ ભ્રષ્ટાચાર સબંધિત મામલો હતો, જો આ સિવાય કોઈ અતિ સંવેદનશીલ બાબતની અરજી હોય અને તેને એક વિભાગમાંથી બીજા વિભાગમાં મોકલવામાં 28 દિવસનો વિલંબ કરે તે કેવી રીતે ચલાવી લેવાય? આ મામલે ઉચ્ચ કક્ષાએ પણ ફરીયાદ કરી છે.
આ પણ વાંચો..
- hardik pandya: ઓસ્ટ્રેલિયા A સામેની વન-ડે શ્રેણી માટે ઓલરાઉન્ડરની પસંદગી; હાર્દિક પંડ્યાનું સ્થાન લેશે
- oil: સાઉદી અરેબિયાની સૌથી મોટી તેલ કંપની ‘આરામકો’ પર હુથીઓનો હુમલો; તેલના ભાવ વધી શકે છે
- japanમાં હોબાળો: ઓકિનાવામાં મહિલાની હત્યાના આરોપસર યુએસ મરીનની ધરપકડ; શા માટે લોકોમાં આક્રોશ ફેલાયો છે?
- yaman: શું હુથીઓ યમનના રોષનો સામનો કરશે? રાષ્ટ્રપતિએ યુદ્ધની જાહેરાત કરી, કબજે કરાયેલા વિસ્તારો પાછા મેળવવાનો સંકલ્પ કર્યો
- Canada: ભારત-કેનેડા વેપાર વાટાઘાટો: પાંચમો રાઉન્ડ આવતીકાલે શરૂ થશે; ૨૦૨૬ના અંત સુધીમાં કરારને આખરી ઓપ આપવાનું લક્ષ્ય