Gujarat : સંઘપ્રદેશ દમણમાં સોમવારના રોજ સોમવતી અમાસના નિમિત્તે દરિયામાં ઉંચા મોજાં ઉછળતા જોવા મળ્યા હતા. હવામાન વિભાગ દ્વારા tidal activity અંગે આગાહી આપવામાં આવતા બપોરના સમયે ભરતી દરમિયાન દરિયામાં તીવ્ર પ્રવાહ અને કરંટ સાથે મોજા ઊંચાઈએ ઉછળ્યા હતા.
દમણના નમોપથ વિસ્તારમાં દરિયાના મોજા દીવાલ સાથે જોરથી અથડાતા મોજાનું પાણી સીધું રસ્તા સુધી પ્રસરી ગયું હતું. મોજાંનું દ્રશ્ય એટલું ભયાનક અને જોવાલાયક હતું કે રસ્તા ઉપર સુધી છાંટાં પડતા યાત્રાળુઓ અને સ્થાનિક લોકોમાં દહેશત પણ જોવા મળી હતી.
જોકે બીજી તરફ ઉંચા મોજા વચ્ચે ફરવા આવેલા પર્યટકો માટે આ એક અનોખો અનુભવ સાબિત થયો. ઘણા પર્યટકો મોજાં ઉછળતું દ્રશ્ય પોતાના મોબાઇલના કેમેરામાં કેદ કરતા જોવા મળ્યા અને કેટલીક યુવાનો મોજાંના પાણીમાં ભીંજાવાની મજા પણ લેતા જોવા મળ્યા.
હાલમાં દરિયામાં ઉછળતાં મોજાંને ધ્યાનમાં રાખીને સ્થાનિક પ્રશાસન દ્વારા લોકો માટે સાવચેતી રાખવાની સૂચનાઓ આપવામાં આવી છે અને દરિયાકાંઠે જતા ટાળવાની અપીલ પણ કરવામાં આવી છે.
આ પણ વાંચો..
- Cancer: કેન્સરની 543 દવાઓના ભાવમાં મોટો ઘટાડો… કેટલીક દવાઓના ભાવમાં 90%થી વધુનો ઘટાડો; નવા દરો 9 નવેમ્બરથી અમલી બનશે
- arnab: આંધ્રપ્રદેશમાં પાંચ લોકોનાં મૃત્યુ; ઓડિશાના અનેક જિલ્લાઓમાં એલર્ટ જાહેર; નાયડુએ અમિત શાહને પત્ર લખ્યો
- vande bharat: આ શહેરોને ટૂંક સમયમાં ‘વંદે ભારત સ્લીપર ટ્રેન’ની ભેટ મળી શકે છે; અહીં સંપૂર્ણ રૂટની વિગતો છે
- parineeti chopra: “મૂર્ખાઓની જેમ…” – જેનિફર વિંગેટ સાથે મતભેદ હોવાના અહેવાલો પર પરિણીતી ચોપરા ભડકી ઉઠી, ટ્રોલ કરનારાઓને સણસણતો જવાબ આપ્યો.
- amit shah: ‘અમિત શાહના નિવાસસ્થાને ટાટાની બેઠક શા માટે?’: રાહુલ ગાંધીના સીતારમણને તીખા સવાલો; કહ્યું કે વેપારી સમુદાય સરકારથી પહેલેથી જ નારાજ છે