આજે રાજ્યની 68 નગરપાલિકામાં નવા સુકાનીઓની ચૂંટણી થશે : જૂનાગઢ મહાનગરપાલિકા માટે મનન અભાણી અને ધર્મેશ પોશિયાનું નામ મોખરે

રાજ્યમાં આજે 68 નગરપાલિકામાં પ્રમુખ અને ઉપપ્રમુખ તો જૂનાગઢ મહાનગરપાલિકામાં મેયર અને ડે.મેયરની ચૂંટણી યોજાશે. સાંજે 4 વાગે તમામ સ્થાનોએ ચૂંટણી બાદ ચિત્ર સ્પષ્ટ થશે. જૂનાગઢ મનપામાં હાલ મનન અભાણી અને ધર્મેશ પોશિયાનું નામ મોખરે છે. બંને યુવા નેતા છે અને સંગઠનનો અનુભવ ઉપરાંત ટોચના નેતાઓ સાથે ઘેરાબો હોવાથી તેમની પસંદગી સંભવ છે.

તાજેતરમાં જૂનાગઢ મહાનગરપાલિકા સહિત 68 નગરપાલિકાઓની તેમજ 3 તાલુકા પંચાયત સહિતની સ્થાનિક સ્વરાજ્યની સંસ્થાઓની પેટા ચૂંટણી યોજાઈ હતી. આ ચૂંટણીમાં 68 પૈકી 62 નગરપાલિકાઓમાં તો ભાજપે સ્પષ્ટ બહુમતી મેળવી હતી. આજે ચૂંટણી હોવાથી ગતરોજ ભાજપ પ્રદેશ પાર્લામેન્ટ્રી બોર્ડની બેઠક યોજાઈ, જેમાં મુખ્યમંત્રી ભુપેન્દ્ર પટેલ અને પ્રદેશ પ્રમુખ પાટીલ સહિત ટોચના નેતાઓ હાજર રહ્યા.

આ બેઠકમાં મંથન કર્યા બાદ જૂનાગઢ મનપામાં મેયર અને ડે.મેયરના નામ પર મહોર વાગી ગઈ છે. મનન અભાણી અથા ધર્મેશ પોશિયા બંનેમાંથી એક મેયર બને તેવી શક્યતાઓ છે. તો ભાજપે આ સાથે જ 62 નગરપાલિકાઓ માટે પણ મેન્ડેટ તૈયાર કરી દેવાયા છે. જેથી આજે તમામ નગરપાલિકાઓમાં ભાજપના પ્રમુખ-ઉપપ્રમુખ બિનહરીફ ચૂંટાઈ આવશે, તે નિશ્ચિત છે.

આ નગરપાલિકાઓને આજથી નવા સુકાનીઓ મળશે અને તેઓ સત્તાની ધઉરા સંભાળશે. લાંબા સમયથી વહીવટદારનું શાસન હતુ, જેમાંથી હવે આ નગરપાલિકાઓ ચૂંટાયેલી પાંખ વહીવટ કરશે.

આ પણ વાંચો..

• Ahmedabad સિવિલમાં સ્વૈચ્છિક રક્તદાન શિબિર, એક જ દિવસે 115 યુનિટ થયું રક્તદાન
• Suratમાં નકલી ડોકટરો સામે મોટી કાર્યવાહી, 12મું ધોરણ પાસ વ્યક્તિઓ કરતા હતા દર્દીઓની સારવાર; 8ની ધરપકડ
• Ahmedabad: સાયબર ક્રાઈમ સામે મોટી પહેલ, ગુનાઓની ડિજિટલ તપાસ માટે ATS અને IIT ગાંધીનગરે મિલાવ્યા હાથ
• Gujarat: ગાંધીનગર Cyber Centreની મોટી કાર્યવાહી, ₹3.76 કરોડના ડિજિટલ ધરપકડ સાયબર રેકેટનો પર્દાફાશ
• Horoscope: 18 સપ્ટેમ્બરે આ 5 રાશિઓનું ભાગ્ય ચમકશે, દિવસભર ભાગ્ય રહેશે મેહરબાન