urvarshi: બોલિવૂડ અભિનેત્રી ઉર્વશી રૌતેલાએ અમેરિકા સ્થિત એક AI કંપની સામે કાયદાકીય કાર્યવાહી કરવાની જાહેરાત કરી છે. તેની ટીમે કંપની પર અભિનેત્રીના નામ, તસવીરો અને વીડિયોનો અધિકૃત મંજૂરી વિના ઉપયોગ કરવાનો આરોપ મૂક્યો છે. બોલિવૂડ અભિનેત્રી ઉર્વશી રૌતેલા માત્ર તેના વ્યાવસાયિક જીવન માટે જ નહીં, પરંતુ તેની ફેશન પસંદગીઓ, નિવેદનો અને સોશિયલ મીડિયા પર કરવામાં આવેલા દાવાઓને કારણે પણ વારંવાર ચર્ચામાં રહે છે. હવે, સોશિયલ મીડિયા પોસ્ટને કારણે તે ફરી એકવાર ચર્ચામાં આવી છે. તેણે જણાવ્યું છે કે તે યુએસની એક AI કંપની સામે કાયદાકીય કાર્યવાહી કરી રહી છે અને ₹7,000 કરોડના વળતરની માંગ કરી રહી છે.
ઉર્વશીની ટીમે સોશિયલ મીડિયા દ્વારા આ માહિતી શેર કરી હતી. કંપની પર ઉર્વશીના નામ, છબીઓ અને વીડિયોનો પરવાનગી વિના ઉપયોગ કરવાનો આરોપ છે. ટીમે વધુમાં આક્ષેપ કર્યો હતો કે કંપનીએ ઉર્વશીના નામનો ઉપયોગ કરીને અબજો ડોલરની આવક ઊભી કરી છે. જોકે, પોસ્ટમાં કંપનીનું ચોક્કસ નામ જણાવવામાં આવ્યું ન હતું.
ઉર્વશી રૌતેલાની ટીમનું નિવેદન
29 સપ્ટેમ્બરના રોજ, ઉર્વશી રૌતેલાની ટીમે સોશિયલ મીડિયા પર એક અપડેટ પોસ્ટ કર્યું હતું. પોસ્ટમાં લખ્યું હતું કે, “અમે લોસ એન્જલસ સ્થિત એક કંપની સામે જરૂરી કાયદાકીય કાર્યવાહી શરૂ કરી રહ્યા છીએ. આમાં વળતરનો દાવો પણ સામેલ છે, જેનો અંદાજ હાલમાં ₹7,000 કરોડ છે. એવો આક્ષેપ છે કે તેમણે ઉર્વશીના નામ, ફોટા અને વીડિયોનો અધિકૃત મંજૂરી વિના ઉપયોગ કરીને અબજો ડોલરની કમાણી કરી છે. તમારી પોતાની AI કંપની બનાવો, તમારી પોતાની બ્રાન્ડ બનાવો, પરંતુ જ્યાં સુધી તમારી પાસે પરવાનગી ન હોય ત્યાં સુધી ઉર્વશીના નામને તમારા વ્યવસાયથી દૂર રાખો.”