જાહ્નવી કપૂર બોયફ્રેન્ડ શિખર પહાડિયા સાથે તિરુપતિ  મંદિરમાં કરશે લગ્ન! અભિનેત્રીએ આપ્યું નિવેદન

બોલિવૂડ એક્ટ્રેસ જ્હાન્વી કપૂર પોતાની પ્રોફેશનલ લાઈફની સાથે સાથે પર્સનલ લાઈફને લઈને હંમેશા ચર્ચામાં રહે છે. રિપોર્ટ્સનું માનીએ તો જાહ્નવી શિખર પહાડિયાને ડેટ કરી રહી છે. જો કે બંનેમાંથી કોઈએ આ અંગે કોઈ સત્તાવાર જાહેરાત કરી નથી, પરંતુ બંને ઘણીવાર સાથે જોવા મળે છે. આટલું જ નહીં, તાજેતરમાં જ જાનહવી શિખુના નામનો નેકપીસ પહેરેલી જોવા મળી હતી. તે પોતે આ પેન્ડન્ટને ફ્લોન્ટ કરી રહી હતી. હવે શિખર સાથે જાહ્નવી ના લગ્નના સમાચાર આવતા જ તેણે પોતાનું મૌન તોડ્યું છે.

સૂત્રો અનુસાર જ્હાન્વી અને તેનો બોયફ્રેન્ડ શિખર તિરુપતિ મંદિરમાં લગ્ન કરવા જઈ રહ્યા છે અને અભિનેત્રી ગોલ્ડ સાડી પહેરશે. પાપારાઝીની આ પોસ્ટ જોઈને જ્હાન્વી પોતાની જાતને કાબૂમાં રાખી શકી નહીં અને તરત જ તેના પર કોમેન્ટ કરી.

જ્હાન્વીએ પોતાનું મૌન તોડ્યું

જ્હાન્વી કપૂર લગ્નની પોસ્ટ પર ચૂપ ન રહી શકી અને તેણે તરત જ પ્રતિક્રિયા આપી. અભિનેત્રીએ આ જ પોસ્ટ પર કમેન્ટ કરી – ‘એનીથિંગ’ જ્હાન્વીની આ કોમેન્ટ વાયરલ થઈ રહી છે. ઘણા લોકોએ તેની ટિપ્પણીનો જવાબ આપ્યો અને હસતા ઇમોજીસ પોસ્ટ કર્યા.

શિખરનો નંબર સ્પીડ ડાયલ પર રહે છે

જ્હાન્વી કપૂર આ વર્ષે તેની બહેન ખુશી કપૂર સાથે કોફી વિથ કરણમાં આવી હતી જ્યાં તેણે કહ્યું હતું કે તેનો બોયફ્રેન્ડ શિખર તે ત્રણ લોકોમાંનો એક છે જેમના નંબર તેના ફોનમાં સ્પીડ ડાયલ લિસ્ટમાં છે. ઉતાવળમાં શિખરનું નામ લીધા પછી જ્હાન્વીને લાગ્યું કે તે ભૂલથી બોલી ગઈ અને તે પછી તે ચૂપ થઈ ગઈ.

શિખર પહાડિયા મહારાષ્ટ્રના પૂર્વ મુખ્યમંત્રી સુશીલ કુમાર શિંદેના પૌત્ર છે. જો રિપોર્ટ્સનું માનીએ તો શિખર અને જ્હાન્વી પહેલા સિરિયસ રિલેશનશીપમાં હતા પરંતુ પછી તેમનું બ્રેકઅપ થઈ ગયું. હવે બંનેએ ગયા વર્ષે પેચઅપ કર્યું છે. બંને ઘણીવાર સાથે જોવા મળે છે. શિખરે બોની કપૂર અને અર્જુન કપૂર સાથે ઘણા પ્રસંગોએ ફોટો પણ ક્લિક કરાવ્યા છે.