Gujarat : જંગલમાં મહિલાનો ગળે ટુંપો દીધેલો મૃતદેહ મળતા ચકચાર, મૃતદેહ પાસેથી મળી ચોંકાવનારી સામગ્રી

Gujaratમાં પંચમહાલ જીલ્લાના શહેરા તાલુકાના ડુમેલાવ ગામના જંગલમાંથી એક મહિલાનો ગળે ટુંપો દીધેલી હાલતમાં મૃતદેહ મળી આવતા ચકચાર મચી હતી.

શહેરા પોલીસને પરિવારજનો દ્વારા જાણ કરવામા આવતા પોલીસ ઘટના સ્થળે પહોચી હતી. મૃતદેહને શહેરા રેફરલ હોસ્પિટલ ખાતે ખસેડીને કાયદેસરની કાર્યવાહી હાથ ધરવામા આવી હતી. Gujaratમાં એકતરફ તાંત્રિકો, ભૂવાઓ દ્વારા અંધશ્રદ્ધા ફેલાવી અને લોકોને નુકસાન પહોંચાડવામાં આવી રહ્યુ છે. તેવા સમયે આ મહિલાની તાંત્રિક વિધીમા હત્યા કરવામા આવી હોવાની શંકાઓની પણ લોકચર્ચાઓ થઈ રહી છે. જોકે પોલીસ તપાસમા સત્ય બહાર આવશે.

પોલીસ સુત્રો પાસેથી મળતી વિગતો અનુસાર ગોધરા તાલુકાના કુંડલા ગામની મહિલા રંજનબેન પટેલની લાશ શહેરા તાલુકાના ડુમેલાવ ગામના જંગલમાંથી મળી આવી હતી. લાશ ગળે ટુપો દીધેલી અવસ્થામાં હતી. રજંનબેનના પતિ સહિતના પિયરપક્ષના પરિવારજનો પણ દોડી આવ્યા હતા, લાશ પાસેથી નાળિયેર અને ફુલ મળી આવ્યા હતા. જેને લઈને અનેક તર્ક વિતર્ક સર્જાયા છે.

ઘટનાની જાણ થતા શહેરા પોલીસ સ્ટેશનના પીઆઈ અંકુર ચૌધરી સહિતનો સ્ટાફ ઘટના સ્થળે પહોંચી ગયો હતો. લાશને પોસ્ટ મોર્ટમ માટે શહેરા હોસ્પિટલ ખાતે લાવામા આવી હતી. આ મામલે પોલીસે પરિવારજનો ફરિયાદના આધારે કાયદેસરની કાર્યવાહી હાથ ધરી છે.

આ પણ વાંચો..

• trump: અમેરિકી રાષ્ટ્રપતિ ટ્રમ્પની જાહેરાત: વર્ષના અંત પછી ઈઝરાયેલને મળતી ૪ અબજ ડોલરની સહાય બંધ થશે; તેમણે શું કહ્યું?
• UN: ભારત અને ઈઝરાયેલે પ્રાદેશિક શસ્ત્ર નિયંત્રણ પ્રસ્તાવની વિરુદ્ધ મતદાન કર્યું; જણાવ્યું કે સુરક્ષા સંબંધિત ચિંતાઓ માત્ર રાષ્ટ્રીય સરહદો પૂરતી સીમિત નથી
• Airplane: અનેક ફ્લાઇટ્સને બોમ્બ હોવાની ખોટી ધમકીઓ મળી; અફરાતફરી મચી, સુરક્ષા એજન્સીઓ હાઈ એલર્ટ પર
• super market: યુરોપિયન સુપરમાર્કેટ પર સાયબર હુમલો: હેકર્સ રેફ્રિજરેશન સિસ્ટમ્સને નિશાન બનાવે છે, જેના કારણે ખોરાક બગડે છે!
• Dhanteras: ધનતેરસના ૯૬ કલાક પહેલાં સોનું અને ચાંદી સસ્તા થયા; જાણો દિલ્હીમાં અત્યારના ભાવ