Ahmedabad : નરોડામાં આવેલ ફ્લેટની લોબીમાં બાળકીની રમવાની તકરારમાં બે મહિલા પડોશીઓ વચ્ચે ઝઘડો થયો હતો. જેમાં ઉશ્કેરાયેલ એક મહિલાએ બીજી મહિલા પર ચપ્પુ વડે હુમલો કર્યો હતો. જેથી ઇજાગ્રસ્તને હોસ્પિટલ લઇ જવામાં આવી હતી. આ અંગે મહિલાએ પાડોશી મહિલા સામે નરોડા પોલીસ સ્ટેશનમાં ફરીયાદ નોધાવી છે.
આ અંગે મળતી વિગતો મુજબ નરોડામાં આવેલ હેવન હાઇટ્સ ફ્લેટમાં 42 વર્ષિય હંસાબેન પરમાર પરિવાર સાથે રહે છે.હંસાબેનની 15 વર્ષિય દીકરી તેમના ફ્લેટની લોબીમાં રમતી હતી. ત્યારે ત્યાં ફ્લેટમાં રહેતા ભૂમિબેન દરબારે તમારી દીકરી કેમ લોબીમાં રમે છે તેમ કહી બોલચાલી કરી હતી. પરંતુ હંસાબેને કોઇ માથાકુટ કરી ન હતી. બીજી તરફ્ ગઇકાલે બપોરે હંસાબેનની ભાણી ફ્લેટની લોબીમાં રમતી હતી. ત્યારે એક વાગ્યે ભુમિબેન ત્યાં આવી ગયા હતા અને ગુસ્સે થઇ ગયા હતા.
તેમણે હંસાબેનને બોલાવી કહ્યું હતું કે કેમ આ છોકરી અહીંયા રમે છે. બાદમાં તેઓ જેમ ફવે તેમ ગાળો બોલવા લાગ્યા હતા અને ઝઘડો કરવા લાગ્યા હતા. જેથી હંસાબેને ગાળો ન બોલવા કહ્યું હતું ત્યારે ભુમિબેને ગુસ્સે થઇને ચપ્પુ વડે હંસાબેન પર હુમલો કરી ભુમિબેન ત્યાંથી પલાયન થઇ ગયા હતા. આ અંગે હંસાબેનેભૂમિબેન સામે નરોડા પોલીસ સ્ટેશનમાં ફરીયાદ નોધાવી છે.
આ પણ વાંચો…
- Weather update: મધ્ય ગુજરાતમાં મેઘરાજનું ધમાકેદાર આગમન, બાલાસિનોરમાં 6.5 ઇંચ વરસાદ
- Vadodara Crime: રાત્રે પાંચ વર્ષની બાળકીનું અપહરણ કર્યા બાદ માસૂમની કરી હત્યા, પછી મૃતદેહને નહેરમાં ફેંકી દીધો
- Ahmedabad: શારદાબેન હોસ્પિટલમાં ગર્ભવતી મહિલાનું મોત, બેદરકારીનો આરોપ લગાવતા પરિવારજનોએ હોબાળો મચાવ્યો
- Chhota Udaipur: પાવીજેતપુરના સિહોદ પાસે હળવા વરસાદને કારણે રૂટ બદલાયો, ભારે વાહનોની અવરજવર બંધ!
- Pink Tax: મહિલાઓ માટે મોટી રાહત, આ દેશે ‘પિંક ટેક્સ’ નાબૂદ કર્યો, સેનિટરી પેડ્સ અને ગર્ભનિરોધક કરમુક્ત રહેશે