Ahmedabad: હાઇકોર્ટે સેવન્થ ડે સ્કૂલમાં ફરીથી ઓફલાઈન શિક્ષણ શરૂ કરવા આપ્યું સૂચન, સરકાર ટૂંક સમયમાં નિર્ણય લેશે.

Ahmedabad: અમદાવાદમાં સેવન્થ ડે સ્કૂલમાં એક વિદ્યાર્થી દ્વારા સગીરની હત્યાને લઈને સર્જાયેલા વિવાદે ભારે ઉગ્ર સ્વરૂપ ધારણ કર્યું હતું. સમગ્ર રાજ્યમાં ચર્ચાનો વિષય બનેલા આ કેસને લઈને પરિસ્થિતિ વધુ બગડે નહીં અને વિદ્યાર્થીઓની સુરક્ષાને ધ્યાનમાં રાખીને લગભગ એક મહિના સુધી શાળા બંધ રાખવામાં આવી હતી અને ઓનલાઈન શિક્ષણ ચલાવવામાં આવતું હતું. હવે, ગુજરાત હાઇકોર્ટના સૂચન બાદ ટૂંક સમયમાં શાળામાં ફરીથી ઓફલાઈન શિક્ષણ શરૂ થવાનું છે અને વિદ્યાર્થીઓ શાળાએ પરત ફરશે.

હાઇકોર્ટએ વિદ્યાર્થીઓના ભવિષ્ય અંગે ચિંતા વ્યક્ત કરી હતી અને જણાવ્યું હતું કે લગભગ 10 હજાર વિદ્યાર્થીઓના અભ્યાસને અસર ન થાય તે માટે શાળા ફરી શરૂ કરવી જરૂરી છે. હાઇકોર્ટના સૂચન બાદ 16 સપ્ટેમ્બરે રાજ્ય સરકારની બેઠક યોજાશે અને તે બેઠક દરમિયાન શાળા ફરી શરૂ કરવા અંગેનો રિપોર્ટ તૈયાર કરવામાં આવશે. ત્યારબાદ આ રિપોર્ટ કોર્ટમાં સોંપવામાં આવશે અને યોગ્ય સમય અને રીત અંગે નિર્ણય લેવામાં આવશે.

ઘટના શું હતી?

અમદાવાદમાં 19 ઓગસ્ટે ધોરણ 10માં અભ્યાસ કરતા એક વિદ્યાર્થીએ અન્ય 7-8 વિદ્યાર્થીઓ સાથે મળીને પોતાના જ ધોરણના અન્ય વિદ્યાર્થી પર હુમલો કર્યો હતો અને ચપ્પાથી ઘા કર્યો હતો. જાણવા મળ્યું કે, થોડા દિવસ પહેલાં બંને વિદ્યાર્થીઓ વચ્ચે સ્કૂલમાં ધક્કામુક્કીને લઈને ઝઘડો થયો હતો. તેની અદાવત રાખીને આરોપી વિદ્યાર્થીએ શાળા છૂટ્યા બાદ અન્ય મિત્રો સાથે મળીને પીડિત વિદ્યાર્થી પર હુમલો કર્યો હતો. હુમલાથી વિદ્યાર્થી ગંભીર રીતે ઘાયલ થયો અને લોહીલુહાણ હાલતમાં હોસ્પિટલમાં ખસેડવામાં આવ્યો, જ્યાં સારવાર દરમિયાન તેનું મોત નિપજ્યું.

આ ગંભીર ઘટનાના પ્રકાશમાં ખોખરા પોલીસે તરત જ કાર્યવાહી કરી હતી. અટકાયત કરવામાં આવેલા કિશોરને 22મી ઓગસ્ટે ખાનપુર સ્થિત જુવેનાઈલ જસ્ટિસ બોર્ડ સમક્ષ રજૂ કરવામાં આવ્યો હતો. તેની રજૂઆત સમયે પણ પોલીસએ જુવેનાઈલ જસ્ટિસ બોર્ડની આસપાસ કડક સુરક્ષા વ્યવસ્થા ઉભી કરી હતી. બંને પક્ષોની દલીલો સાંભળ્યા બાદ બોર્ડે કાયદાના સંઘર્ષમાં આવેલા કિશોરને બાળ સંરક્ષણ ગૃહમાં મોકલી આપ્યો હતો.

આ ઘટનાએ માત્ર શાળાના વાતાવરણને નહીં પરંતુ સમગ્ર સમાજને વિચારતા કર્યા છે કે કિશોરોમાં વધતી હિંસા અને અદાવત જેવી પરિસ્થિતિઓ સામે શું પગલાં લેવાં જોઈએ. હવે શાળા ફરીથી શરૂ થાય તે માટે કરવામાં આવતી કાર્યવાહી વિદ્યાર્થીઓના શિક્ષણ તેમજ સુરક્ષાને ધ્યાનમાં રાખીને કરવામાં આવી રહી છે.

ગુજરાત હાઇકોર્ટનું સૂચન અને સરકાર દ્વારા લેવામાં આવનાર નિર્ણય આગામી દિવસોમાં શાળાના ભવિષ્ય માટે મહત્વપૂર્ણ સાબિત થશે અને વિદ્યાર્થીઓ માટે સુરક્ષિત અભ્યાસનું વાતાવરણ ઉભું કરવામાં સહાયરૂપ થશે.

આ પણ વાંચો

• trump: અમેરિકી રાષ્ટ્રપતિ ટ્રમ્પની જાહેરાત: વર્ષના અંત પછી ઈઝરાયેલને મળતી ૪ અબજ ડોલરની સહાય બંધ થશે; તેમણે શું કહ્યું?
• UN: ભારત અને ઈઝરાયેલે પ્રાદેશિક શસ્ત્ર નિયંત્રણ પ્રસ્તાવની વિરુદ્ધ મતદાન કર્યું; જણાવ્યું કે સુરક્ષા સંબંધિત ચિંતાઓ માત્ર રાષ્ટ્રીય સરહદો પૂરતી સીમિત નથી
• Airplane: અનેક ફ્લાઇટ્સને બોમ્બ હોવાની ખોટી ધમકીઓ મળી; અફરાતફરી મચી, સુરક્ષા એજન્સીઓ હાઈ એલર્ટ પર
• super market: યુરોપિયન સુપરમાર્કેટ પર સાયબર હુમલો: હેકર્સ રેફ્રિજરેશન સિસ્ટમ્સને નિશાન બનાવે છે, જેના કારણે ખોરાક બગડે છે!
• Dhanteras: ધનતેરસના ૯૬ કલાક પહેલાં સોનું અને ચાંદી સસ્તા થયા; જાણો દિલ્હીમાં અત્યારના ભાવ