World’s First Miss AI kenza Layli: વિશ્વમાં પ્રથમ વખત AIની આવી ખાસ સ્પર્ધા યોજાઈ છે. મોરોક્કોની કેન્ઝા લીલીને વિજેતા જાહેર કરવામાં આવી છે. ઈન્ટરવ્યુ દરમિયાન તેણે કહ્યું હતું કે ‘હું માણસોની જેમ લાગણીશીલ નથી બની શકતી, પરંતુ તેમ છતાં હું આ જીતથી ખૂબ જ ખુશ છું.’ લીલીએ 1500 થી વધુ અન્ય AI ને હરાવીને આ સ્પર્ધા જીતી. તેને 20,000 ડોલરનું ઇનામ મળ્યું છે, જે તેને બનાવનાર મોરોક્કન એન્જિનિયરને આપવામાં આવશે.
ઈન્સ્ટાગ્રામ પર કેન્ઝા લેલીના 1 લાખ 90 હજારથી વધુ ફોલોઅર્સ છે. તે ખોરાક, સંસ્કૃતિ, ફેશન, સુંદરતા અને મુસાફરી વિશે પોસ્ટ કરે છે. કેન્ઝા લેલીની જેમ, આ AI મોડલ્સ મોરોક્કોની સમૃદ્ધ પરંપરાને પ્રતિબિંબિત કરે છે, જે ટેકનોલોજી અને સંસ્કૃતિનું અનોખું મિશ્રણ છે. આ વિશેષ AI દિવસના 24 કલાક અઠવાડિયાના સાતેય દિવસ કામ કરે છે અને સાત જુદી જુદી ભાષાઓમાં તેના અનુયાયીઓ સાથે વાતચીત કરી શકે છે.
લીલી કહે છે, ‘મારું સપનું હંમેશા મોરોક્કન કલ્ચર દુનિયાને બતાવવાનું અને મારા અનુયાયીઓને દરેક રીતે મદદ કરવાનું રહ્યું છે.’ ઈન્ટરનેટ સ્ટાર બની ગયેલી આ મોડલ મહિલાઓને પ્રોત્સાહન આપવા, પર્યાવરણ બચાવવા અને સારી રોબોટ ટેક્નોલોજી વિશે જાગૃતિ ફેલાવવા માંગે છે. તેણે કહ્યું, ‘AI મનુષ્યનું સ્થાન લઈ શકતું નથી, પરંતુ તેને મદદ કરવા માટે બનાવવામાં આવ્યું છે. હું બતાવવા માંગુ છું કે AI અમને નવી વસ્તુઓ શોધવામાં અને વિશ્વને વધુ સારી જગ્યા બનાવવામાં મદદ કરી શકે છે. લોકોએ આનાથી ડરવાની જરૂર નથી પરંતુ ખુશ રહેવાની જરૂર છે.
આ સ્પર્ધા એપ્રિલમાં શરૂ થઈ હતી
આ કોમ્પિટિશનમાં એ જોવામાં આવ્યું કે બનાવેલ આર્ટિફિશિયલ ઈન્ટેલિજન્સ કેટલી સુંદર દેખાય છે, તેના કેટલા ઓનલાઈન ફોલોઅર્સ છે અને તેને બનાવવામાં કેટલી ટેક્નિકલ સ્કિલ સામેલ છે. ફોર્બ્સના જણાવ્યા અનુસાર, આ સમય દરમિયાન એ પણ જોવામાં આવ્યું કે આ AI મોડલ તેમના ચાહકો સાથે કેવી રીતે જોડાય છે, તેમના ફોલોઅર્સ કેટલી ઝડપથી વધી રહ્યા છે અને તેઓ સોશિયલ મીડિયાનો કેટલી સમજદારીથી ઉપયોગ કરી રહ્યા છે. આ સમગ્ર સ્પર્ધા એપ્રિલમાં “Fanvue AI Creator Awards (WAICA)” નામની સંસ્થા દ્વારા શરૂ કરવામાં આવી હતી.
ફ્રાન્સની લીલીના વાલિના બીજા ક્રમે રહી હતી
સોશિયલ મીડિયા પર પ્રેમનો સંદેશ ફેલાવનાર ફ્રાન્સની લલિના વાલિના આ સ્પર્ધામાં બીજા ક્રમે રહી હતી. પોર્ટુગલની ઓલિવિયા સી, જે વાસ્તવિક દુનિયા અને રોબોટની દુનિયાને એકસાથે બહેતર બનાવવાનું સપનું જુએ છે, તે ત્રીજા સ્થાને છે.