ઓરહાન અવાત્રામણી ઉર્ફે ઓરીએ સ્ટારડમ અને લોકપ્રિયતાના મામલે દરેક સ્ટાર કિડને પાછળ છોડી દીધા છે. લોકોને સ્ટારકિડ્સમાં એટલી રુચિ નહીં હોય જેટલી તેઓ ઓરી વિશે જાણવામાં છે. દરેક વ્યક્તિ એ જાણવા માંગે છે કે તે શું કામ કરે છે અને કેવી રીતે પૈસા કમાય છે. ઓરી મુકેશ અંબાણી સહિત દરેક ફિલ્મ સ્ટાર અને સેલિબ્રિટીની પાર્ટીઓમાં જોવા મળે છે. જો કે ઓરીએ અત્યાર સુધી ઘણી વખત પોતાના કામ અને આવક વિશે જણાવ્યું છે, તેમ છતાં તેને દરેક જગ્યાએ એક જ પ્રશ્ન પૂછવામાં આવે છે. તાજેતરમાં ભારતી સિંહના પોડકાસ્ટમાં ઓરીને આ જ પ્રશ્ન પૂછવામાં આવ્યો હતો. ઓરીએ પોતાના વિશે બધું કહ્યું. તેણે એ પણ ખુલાસો કર્યો કે ફોટો ક્લિક કરાવવા માટે તે કેટલા પૈસા લે છે.
ઓરીએ ભારતી સિંહ અને હર્ષ લિમ્બાચીયાના પોડકાસ્ટ પર પોતાના વિશે ખુલાસો કર્યો. ભારતીએ આશ્ચર્ય વ્યક્ત કર્યું કે ઓરીએ ન તો કોઈ ફિલ્મ કરી કે ન તો કોઈ ગીત ગાયું, છતાં તે એક વર્ષમાં સ્ટારડમની ઊંચાઈએ પહોંચી ગયો..ભારતીએ ઓરીને પૂછ્યું હતું ‘તમે મોંઘા છો?’ ઓરી જવાબ આપે છે, ‘શું હું સસ્તો દેખાઉં છું?’ જ્યારે હર્ષે ઓરીને પૂછ્યું કે તે એક ફોટો માટે કેટલો ચાર્જ લે છે તો તેણે 20 લાખ રૂપિયા કહ્યું. આ સાંભળીને બધા ચોંકી ગયા.
ત્યારબાદ ઓરીએ ખુલાસો કર્યો કે જો તે ફેન્સને ફોટો આપે છે તો તે તેની પાસેથી પૈસા લેતો નથી. પરંતુ જો કોઈ ઓરી સાથે ફોટો પડાવવાની માંગ કરે છે અથવા ફોટો માંગે છે, તો તેઓ 20 લાખ રૂપિયા ચાર્જ કરે છે. ઓરી કોઈપણ શો કે ઈવેન્ટમાં જવા માટે 25 લાખ રૂપિયા ચાર્જ કરે છે.
અગાઉ જ્યારે ઓરી ‘બિગ બોસ 17’માં આવ્યો હતો ત્યારે તેણે સલમાનને કહ્યું હતું કે તેને પાર્ટીઓમાં જવા માટે પૈસા નથી મળતા. પરંતુ તે પાર્ટીમાં લીધેલા ફોટોગ્રાફ્સથી 25-30 લાખ રૂપિયા કમાય છે. ઓરીએ કહ્યું હતું કે, ”મને પાર્ટીમાં જવા માટે પૈસા મળતા નથી. મને પૈસા મળે છે. લોકો મને અમારા લગ્નમાં આવવાનું કહે છે. મારા પર આવો પોઝ આપો, મારી પત્નીને આવો પોઝ આપો. તેના પર મારા બાળકનો ફોટો લો. તેના માટે મને 20-30 લાખ મળે છે.