Ahmedabad: અમદાવાદમાં પોલીસની બેદરકારીની વધુ એક ઘટના સામે આવી છે. શહેરના ગોતા વિસ્તારમાં વંદેમાતરમ રોડ પર આવેલા સાયોના તિલક નજીક પોલીસની 112 જનરક્ષક ગાડીએ જોરદાર ટક્કર મારી હતી. જે બાદ સ્થાનિકોએ ડ્રાઈવર નશાની હાલતમાં હોવાના ગંભીર આરોપ લગાવ્યાં હતા.
પ્રાથમિક માહિતી મુજબ, આ અકસ્માત થયા બાદ સ્થાનિકો ભેગા થઈ ગયા હતા અને તરત જ પોલીસને જાણ કરી હતી. આ દરમિયાન સ્થાનિકોએ જ્યારે 112 જનરક્ષક ગાડીની અંદર તપાસ કરી ત્યારે ગાડીમાંથી તૂટેલી હાલતમાં સીરપની એક બોટલ મળી હતી. જેના કારણે ડ્રાઈવર નશાની હાલતમાં હોવાની આશંકા જોવા મળી હતી.
ઘટનાની જાણ થતાં જ એ ડિવિઝન પોલીસ ગણતરીની મિનિટોમાં જ સ્થળ પર દોડી આવી હતી. પોલીસ અધિકારીએ જણાવ્યું હતું કે, અકસ્માત કરનાર ડ્રાઈવરની મેડિકલ તપાસ કરવામાં આવશે. કારમાંથી જે સીરપની બોટલ મળી છે, તે મામલે પણ પોલીસ તપાસ કરશે અને કાયદાકીય પગલા લેશે.
ઉલ્લેખનીય છે કે, પોલીસના જ વાહન દ્વારા અક્સમાત સર્જાતા અને તેમાં નશાના પદાર્થની શંકાસ્પદ બોટલ મળી આવતાં આ ઘટના શહેરભરમાં ચર્ચાનો વિષય બની છે. તો બીજી તરફ લોકો પોલીસની આવી બેદરકારીભરી કામગીરી લઈને અનેકો સવાલ ઉભા કરી રહી છે, ત્યારે જોવાનું રહેશે કે આ મામલે શું પગલાં લેવામાં આવે છે.
આ પણ વાંચો
- Ahmedabad: એકલી મુસાફરી કરતી મહિલાઓને છેતરીને સોનું ચોરવાના આરોપમાં વોન્ટેડ આરોપીની ધરપકડ
- Amreli: રાજુલાના લોહીયાળ પ્રેમ સંબંધ, પરિવારની ભત્રીજી સાથે ભાગી ગયેલા યુવાનની હત્યા, ત્રણ લોકો સામે ફરિયાદ દાખલ
- Vadodara: વડોદરામાં ચૂંટણી મોસમ શરૂ, પોલીસ વિભાગના કર્મચારીઓએ બેલેટ પેપરનો ઉપયોગ કરીને મતદાન કર્યું
- Ahmedabad: મેમનગરના એમ્પાયર ફ્લેટમાં એક વૃદ્ધનો લોહીથી લથપથ મૃતદેહ મળી આવતા સનસનાટી ફેલાઈ ગઈ, હત્યાની શંકા
- America શા માટે Strait of Hormuz ખોલવા દેતા નથી, ટ્રમ્પે કહ્યું…ઈરાનને દરરોજ થાય છે $500 મિલિયનનું નુકસાન