Horrible accident: ગુજરાતના શ્રદ્ધાળુઓનો ટેમ્પો ટ્રક સાથે અથડાયો, 6 લોકોના દર્દનાક મોત, 14 ઘાયલ

Horrible accident: રાજસ્થાનના જોધપુર-બાલેસર નેશનલ હાઇવે પર ગમખ્વાર અકસ્માત સર્જાયો હોવાની ઘટના સામે આવી છે. જેમાં રામદેવરા દર્શન કરવા જઈ રહેલા ગુજરાતના 6 શ્રદ્ધાળુઓના કમકમાટીભર્યા મોત થયા છે. જ્યારે 14 લોકો ઘાયલ થયા છે અને તે તમામ લોકોની હાલત ગંભીર છે.

માહિતી મુજબ, આ દૂર્ઘટના રવિવાર સવારે લગભગ 5 વાગ્યે ખારી બેરી ગામમાં બની હતી. ગુજરાતના બનાસકાંઠા અને ધનસુરા જિલ્લાના આશરે 20 શ્રદ્ધાલુઓ એક ટેમ્પોમાં જોધપુર રામદેવરા જતાં હતા. આ દરમિયાન તેમનો ટેમ્પો અનાજની બોરીઓથી ભરેલા એક ટ્રેલર સાથે જોશભેર અથડાયો હતો. આ ટક્કર એટલી ભયાનક હતી કે, 3 મહિલાઓના તો ઘટનાસ્થળે જ મોત થયા હતા.

આ અકસ્માતમાં કૂલ 6 લોકોના મોત થયા છે. જ્યારે ઘાયલ લોકોને બાલેસર હોસ્પિટલમાં પ્રાથમિક સારવાર માટે મોકલ્યા બાદમાં તેમને જોધપુરની હૉસ્પિટલમાં ખસેડાયા હતા.

મૃતકોની ઓળખ

આ ગમખ્વાર અકસ્માત બાદ હોસ્પિટલમાં મૃત્યુ પામેલા લોકોની ઓળખ નવ્યા (3 વર્ષ), ભૂપત સિંહ (40 વર્ષ) અને કાશિયા બાઈ (60 વર્ષ) તરીકે થઈ છે. હાલમાં 14 ઘાયલો MDM હોસ્પિટલમાં સારવાર હેઠળ છે, જેમાંથી કેટલાકની હાલત ગંભીર હોવાનું હોસ્પિટલના અધિક્ષક ડૉ. વિકાસ રાજપુરોહિતે જણાવ્યું છે.

આ પણ વાંચો

• Cyclone Arnab: ‘અર્નબ’ પછી, બીજા ચક્રવાતનો ભય! આગામી 48 કલાક ખૂબ જ મહત્વપૂર્ણ છે, આ રાજ્યો પર વધ્યું જોખમ
• Surat નશામાં ધૂત ભાજપ નેતાના પુત્રએ 15 વાહનોને ટક્કર મારી, પાલનપુર પાટિયા પાસે ઘટના બની, યશ રાઠોડની અટકાયત
• Gujarat: મુસાફરોને લૂંટવા ટ્રેન ઉથલાવવાનું ષડયંત્ર, કોર્ટે બે આરોપીઓને સંભળાવી આજીવન કેદની સજા
• Rajkotમાં લગ્નની કંકોત્રીની APK ફાઇલથી ₹6.57 લાખની ઠગાઈ, સાયબર ક્રાઈમ પોલીસે 3 આરોપીઓની ધરપકડ કરી
• ફ્રી ફાયરની મિત્રતા બની ગંભીર મામલો! Jamnagarની સગીર 2000 કિમી દૂર આસામમાં મળી