Rajkot : પહલગામ પર આતંકવાદીઓ દ્વારા કરવામાં આવેલા હુમલાના જવાબમાં ભારતીય સૈનિકો દ્વારા આપેલા જડબાતોડ જવાબ અને વિરતાના ભાગરૃપે ધોરાજીના મુખ્યમાર્ગો પર તિરંગા યાત્રા કાઢવામાં આવી હતી.જેમાં કેન્દ્રીય મંત્રી, ધારાસભ્ય સહિતના રાજકીય તેમજ સામાજીક આગેવાનો, શૈક્ષણિક સંસ્થાઓ દરેક જ્ઞાાતિના આગેવાનો, શહેરીજનો તેમજ પૂર્વસૈનિકો અને લોકો પણ જોડાયા હતા.
જમ્મુ કાશ્મીરના પહેલગામમાં પ્રવાસીઓ પર થયેલ આતંકી હુમલાની ઘટના બાદ ભારત દ્વારા પાકિસ્તાનમાં રહેલ આતંકી અડ્ડાને ભારતીય સૈન્ય દ્વારા એર સ્ટ્રાઈક કરી નાશ કરી દેવામાં આવ્યા હતા. ભારતીય સેનાએ હાથ ધરેલા ઓપરેશન સિંદૂરની સફળતાની ઉજવણી તેમજ સેનાના સોર્ય પ્રદર્શનની શૂરવીરતા અને દેશના સ્વાભિમાનના સન્માનમાં રાજ્યના વિવિધ શહેરોમાં તિરંગા યાત્રા યોજવામાં આવી રહી છે. ત્યારે ધોરાજી શહેરના નગરજનોએ રાષ્ટ્રપ્રેમ વ્યક્ત કરવા એક ભવ્ય તિરંગા યાત્રાનું આયોજન કરવામાં આવ્યું હતું.
‘ભારત માતા કી જય’ના નારા લાગ્યા
આ તિરંગા યાત્રામાં કેન્દ્રીય મંત્રી મનસુખ માંડવીયા, ધોરાજી ઉપલેટા ના ધારાસભ્ય મહેન્દ્ર પાડલીયા સહિત અનેક રાજકીય આગેવાનો તેમજ મોટી સંખ્યામાં લોકો જોડાયા હતા.. જેમાં ધોરાજીના સરદાર ચોક, કાંતિ પાન ચોક, સ્વાતિ ચોક, અવેડા ચોક, ગેલેક્સી ચોક ખાતે સમાપન થયું હતું તિરંગા યાત્રા દરમ્યાન નાગરિકોએ હાથમાં તિરંગા અને પોસ્ટર સાથે વંદે માતરમ અને ભારત માતા કી જય ના નારા લગાવ્યા હતા. યાત્રામાં જોડાયેલા નાગરિકોએ દેશભક્તિની ભાવના સાથે ભારતીય સેનાના પરાક્રમને બિરદાવ્યું હતું.
આ પણ વાંચો..
- H-1B વિઝા ધારકોને નિશાન બનાવવાથી અમેરિકાને આર્થિક ફટકો પડી શકે છે: ‘ઇન્ડિયાસ્પોરા’ (Indiaspora) ની ચેતવણી
- shahrukh khan: કેવો મિત્ર મળ્યો છે… જાણો શાહરૂખ ખાને બાંદ્રા-વરલી સી લિંક પર પોતાની તસવીર મૂકનારાઓનો આભાર કેવી રીતે માન્યો.
- trump: મધ્યસત્ર ચૂંટણીઓમાં ટ્રમ્પ માટે અગ્નિપરીક્ષા: સેનેટની આ ૧૦ બેઠકો કેમ ચર્ચાના કેન્દ્રમાં છે?
- Trump: અમેરિકાને મુજતબાની ખુલ્લી ચેતવણી; ટ્રમ્પે કહ્યું કે ઈરાનના પરમાણુ સ્થળોને ૧૦ મિનિટમાં નિશાન બનાવી શકાય છે
- mamta: વલણમાં બદલાવ! સોનિયાને ‘મારા નેતા’ ગણાવ્યા અને સીપીએમ (CPM) નેતાનો ઉલ્લેખ કર્યો—મમતાના વલણમાં આ પરિવર્તન શા માટે?