Rajkot : ઇન્દુબેન કસરેજા રિક્ષામાં બેસી રસોડાના કામ માટે જતા હતા, આશ્ચર્યજનક રીતે ડમ્પર વાળો અકસ્માત સર્જી ભાગી છૂટ્યો, સાથે રીક્ષા ચાલક પણ રીક્ષા લઈ નાસી ગયો
આજીડેમ નજીક હાઇવે પર હિટ એન્ડ રનની ઘટના બની છે. જેમાં ડમ્પરે રીક્ષાને હડફેટ લેતા વેલનાથ સોસાયટીના ઇન્દુબેન વિનુભાઈ કસરેજા(ઉં. વ.49)નું મોત નિપજ્યું હતું.
બનાવ અંગે પોલીસ સૂત્રોમાંથી મળતી વિગત મુજબ, ઇન્દુબેન વિનુભાઈ કસરેજા (ઉંમર વર્ષ 49, રહે. રણુજા મંદિર સામે, વેલનાથ સોસાયટી શેરી નંબર 3) આજે સવારે રિક્ષામાં બેસીને જતા હતા ત્યારે આજી જીઆઇડીસીથી આજીડેમ ચોકડી વચ્ચે હાઇવે પર કોઈ અજાણ્યા ડમ્પર ચાલકે રિક્ષાને હડફેટે લીધી હતી.જેમાં ઇન્દુબેનને ગંભીર ઈજા થઈ હતી. તેમને સૌપ્રથમ નક્ષ કિરણ હોસ્પિટલમાં ખસેડાયા હતા.
જ્યાંથી વધુ સારવાર માટે રાજકોટ સિવિલ હોસ્પિટલમાં લાવતા સારવારમાં મૃત્યુ નીપજ્યું હતું. તેમના પરિવારજનોએ જણાવ્યા મુજબ ઇન્દુબેનને સંતાનમાં બે દીકરા અને એક દીકરી છે. તેમના પતિ મંડપ સર્વિસનું કામ કરે છે.
આ પણ વાંચો..
- Bangladesh: ૧૦૧ કરારો’નો મુદ્દો શું છે? બાંગ્લાદેશની સમીક્ષા અંગે ભારત ચિંતિત; ઢાકાના બદલાતા વલણ પર દિલ્હીની ચાંપતી નજર
- Iran: અમેરિકાએ ઈરાન સાથેના યુદ્ધનો ખર્ચ સાઉદી અરેબિયા પાસેથી વસૂલ્યો; ₹4.22 લાખ કરોડના શસ્ત્રોનું વેચાણ!
- LPG ગેસ બુકિંગમાં ફેરફાર: ગ્રાહકોએ આ પ્રક્રિયા પૂર્ણ કરવી જરૂરી છે; તમે ઘરે બેઠા આ જરૂરિયાત પૂરી કરી શકો છો
- જાપાન રવાના થતા પહેલા ટીમ ઈન્ડિયાની કિટને લઈને સમસ્યાઓ; BCCIએ હોટેલનું બુકિંગ જાતે કેમ કર્યું?
- RBI Update: બેંક ગ્રાહકો માટે RBIનો મોટો નિર્ણય, સાયબર ફ્રોડમાં રાહત પણ શંકાસ્પદ વ્યવહારોમાં મુશ્કેલી, ડ્રાફ્ટ તૈયાર