Kheda : માર્ગ અને મકાન વિભાગના તંત્રએ દાંડી માર્ગ પર પેચવર્ક કરી નાગરીકોની સુવિધામાં વધારો કરવા પ્રયાસ કર્યો, પરંતુ આ પ્રયત્નએ નાગરીકોની હાલાકીમાં વધારો કર્યો છે. આખા રોડ પર ઠેક-ઠેકાણે પેચવર્ક કરતા રોડ ઉબડ-ખાબડ બન્યો છે.
જેના કારણે હવે દાંડીમાર્ગ પર વાહનચાલકોને ‘ડિસ્કો રોડ’ જેવી અનુભૂતિ થઈ રહી છે. મળતી માહિતી મુજબ નડિયાદમાં માર્ગ અને મકાન (રાષ્ટ્રીય) અંતર્ગત ડભાણથી શરૂ થઈ અને ઉતરસંડા થઈ આણંદ તરફ જતો માર્ગ દાંડી માર્ગ જાહેર કરાયો છે.હજારો લોકોની આવન-જાવનવાળા આ રોડ પર ખાડા પડી ગયા હતા, જેના કારણે રોડની સપાટીને રીસર્ફેસ કરવાની જરૂર ઉભી થઈ હતી. પરંતુ તંત્ર દ્વારા આ દાંડીમાર્ગ પર રીસર્ફેસીંગ કરવાના બદલે માત્ર પેચવર્ક કરી દેવાયુ છે. માત્ર ખાડાઓ પર ડામર પાથરી દેવાયો છે.
પરીણામે હવે આ આખા રોડ પર ઠીંગડાઓનું સામ્રાજ્ય વધ્યુ છે અને અગાઉ ખાડાના કારણે મુશ્કેલી થતી હતી, તે હવે આ ઠીંગડાઓના કારણે નાગરીકોને ઉબડ ખાબડ રોડ પર જતા હોય તેવી અનુભૂતિ થઈ રહી છે. તંત્ર દ્વારા રોડની સપાટીની રીસર્ફેસીંગની કામગીરી કરવાના બદલે પેચવર્ક કરતા હવે દાંડીમાર્ગ ડિસ્કો રોડ બની ગયો હોવાની જાગૃતજનોમાં તિખળ ચાલી રહી છે.
આ પણ વાંચો..
- Indonesia: ઇન્ડોનેશિયાના બોર્નિયો ટાપુ પર હેલિકોપ્ટરનો સંપર્ક તૂટી ગયો; આઠ મુસાફરો સવાર હતા
- Jagdeep dhankhar: ભૂતપૂર્વ ઉપરાષ્ટ્રપતિ વીપી એન્ક્લેવ ખાલી કરીને ફાર્મહાઉસમાં શિફ્ટ થયા, જગદીપ ધનખરનું નિવાસસ્થાન છતરપુરમાં
- ૧૫,૬૮૮ પૂરગ્રસ્ત લોકોને સ્થળાંતરિત કરાયા, ૭,૧૪૪ લોકોને રાહત શિબિરોમાં રાખવામાં આવ્યા: Hardeep Singh Mundian
- Saurabh bhardwaj: ૨૦૨૫ની દિલ્હી ચૂંટણીમાં કોંગ્રેસ અને ભાજપની મિલીભગત દેશના લોકો સમક્ષ સામે આવી છે
- Pakistan: પાકિસ્તાની સેનાનું હેલિકોપ્ટર પીઓકેમાં ક્રેશ થયું; બે અધિકારીઓ સહિત પાંચ સૈનિકોના મોત