LSG vs GT IPL 2025: લખનૌ સુપર જાયન્ટ્સ (LSG) એ આજે IPL માં ડબલ હેડરની પહેલી મેચમાં ગુજરાત ટાઇટન્સ (GT) ને 6 વિકેટથી હરાવ્યું. લખનૌના ભારત રત્ન શ્રી અટલ બિહારી વાજપેયી એકાના ક્રિકેટ સ્ટેડિયમ ખાતે રમાયેલી આ મેચમાં, યજમાન ટીમના કેપ્ટન ઋષભ પંતે ટોસ જીતીને પ્રથમ બોલિંગ કરવાનો નિર્ણય લીધો હતો.
ત્યારબાદ GT એ કેપ્ટન શુભમન ગિલ અને સાઈ સુદર્શનની અડધી સદીની મદદથી LSG માટે 181 રનનો લક્ષ્યાંક રાખ્યો, જેને LSG એ 19.3 ઓવરમાં 4 વિકેટ ગુમાવીને 186 રન બનાવીને હાંસલ કર્યો.
લક્ષ્યનો પીછો કરતા, માર્કરામ અને પંતે લખનૌને સારી શરૂઆત અપાવી અને પ્રથમ વિકેટ માટે 65 રન ઉમેર્યા. પંત 2016 પછી પહેલી વાર IPLમાં ઓપનિંગ કરવા આવ્યો હતો પરંતુ 21 રન બનાવીને આઉટ થયો હતો. ત્યારબાદ માર્કરામ અને પૂરને આક્રમક બેટિંગ કરી અને બીજી વિકેટ માટે 58 રન ઉમેર્યા. માર્કરામે 26 બોલમાં પોતાની અડધી સદી પૂરી કરી, જ્યારે પૂરણે 23 બોલમાં અડધી સદી ફટકારી. માર્કરમને પણ પ્રસિદ્ધ કૃષ્ણએ શિકાર બનાવ્યો હતો.
માર્કરામના આઉટ થયા પછી પણ, પૂરને તેની આક્રમક ઇનિંગ્સ ચાલુ રાખી અને લખનૌના સ્કોરને 150 થી વધુ પહોંચાડ્યો. જોકે, પૂરન રાશિદ ખાનનો શિકાર બન્યો. આ પછી વોશિંગ્ટન સુંદરે ડેવિડ મિલરને આઉટ કર્યો જે સાત રન બનાવીને પેવેલિયન પરત ફર્યો હતો. ઇમ્પેક્ટ પ્લેયર તરીકે મેદાનમાં ઉતરેલા આયુષ બદોની 20 બોલમાં બે ચોગ્ગા અને એક છગ્ગાની મદદથી 28 રન બનાવી અણનમ રહ્યા, જ્યારે અબ્દુલ સમદ પણ બે રન બનાવીને અણનમ રહ્યા. ગુજરાત તરફથી પ્રસિદ્ધે બે વિકેટ લીધી, જ્યારે રાશિદ અને વોશિંગ્ટનને એક-એક વિકેટ મળી.
આ પણ વાંચો..
- હું નારાજ હતો: Donald trumpએ ઇઝરાયલી પીએમ નેતન્યાહૂને ગાળ આપવાની વાત સ્વીકારી
- રાસાયણિક ખાતરો અને જંતુનાશકોના વધુ પડતા ઉપયોગથી જમીન, પાણી અને ખોરાક ઝેરીલા બની રહ્યા છે – Governor Acharya Devvrat
- Gujarat: બિંદણી, તું ફક્ત ભણ…’ સસરાના શબ્દોએ બદલ્યું જીવન, વહુને પહોંચાડી ન્યાયાધીશની ખુરશી સુધી
- નકલી દસ્તાવેજો બનાવી શહેરમાં જમાવ્યું ઠેકાણું, Ahmedabadમાં 166 બાંગ્લાદેશીઓની થઇ અટકાયત
- Patanમાં એર કન્ડીશનર ફાટતાં ભીષણ આગ, મહિલા પોલીસ કર્મીનું કરુણ મોત