લ્યો બોલો… Gujaratમાં તો સરકારી બાબુઓ લાંચમાં કપાસ પણ માંગે છે : ACBએ છટકુ ગોઠવી 2ને ઝડપી પાડ્યા

ગઢડામાં સીસીઆઇ (કોટન કોર્પોરેશન ઓફ ઈન્ડિયા)ના એક કર્મચારી લાંચ લેતા ઝડપાયો છે. ACBની ટીમ દ્વારા ગોઠવાયેલા છટકામાં કર્મચારી કપાસની લાંચ લેતા ઝડપાયો છે.

સીસીઆઇના કર્મચારીએ ખેડૂત પાસેથી કપાસ ખરીદવા માટે લાંચની માંગણી કરી હતી. એક ખેડૂતે આ અંગે ACBને જાણ કરી હતી, જેના આધારે ACBએ ટ્રેપ ગોઠવી હતી અને કર્મચારીને લાંચ લેતા રંગેહાથ પકડી પાડ્યો હતો. મામલો કંઈક એમ છે કે, સીસીઆઈ કર્મચારીએ ગઢડામાં કપાસ નબળો હોવાનું જણાવી ખેડૂતનું કપાસ ખરીદવાની ના પાડી દીધી હતી. તે બાદ ખેડૂત પાસે 265 કિલો કપાસની લાંચ માગી હતી અને કપાસ ખરીદવાની નક્કી કર્યુ હતુ.

ખેડૂત પોતે લાંચ આપવા માંગતા ન હતા. જેથી તેમણે ACBની ટીમને જાણ કરી હતી. જે બાદ 5 માર્ચે એસીબીએ છટકુ ગોઠવી 265 કિલો કપાસની લાંચ લેતા કોટન કોર્પોરેશન ઓફ ઈન્ડિયાના કોન્ટ્રેક્ટ બેઝ કોમ્પ્યુટર ઓપરેટર અકરમ શૌકતઅલી પટવારી અને સીસીઆઈ ખરીદ કેન્દ્ર કષ્ટભંજન કોટન એન્ડ ઓઈલ ઈન્ડસ્ટ્રીઝના સંચાલક ઘનશ્યામ બોદરને ઝડપી લીધાં હતા અને તેમની વિરુદ્ધ ગુનો દાખલ કર્યો છે.

આ ઘટનામાં ACBએ કર્મચારીની ધરપકડ કરી છે અને આગળની કાર્યવાહી હાથ ધરી છે. આ ઘટનાથી ખેડૂતોમાં રોષ જોવા મળી રહ્યો છે. તેમજ આવા લાંચિયા કર્મચારીઓ સામે કડક કાર્યવાહીની માંગણી કરી છે.

આ પણ વાંચો..

• sara ali khan: વિવાદાસ્પદ નિવેદન: શું સારા અલી ખાને પાર્ટીમાં કોઈ છોકરીને ધક્કો માર્યો હતો? ઓરીએ ઘટનાને યાદ કરીને કહ્યું, “તે મારી ભૂલ નહોતી…”
• chidambaram: ‘મને બૌદ્ધિક નક્સલ કહેવાનો આનંદ છે’: ચિદમ્બરમે પીએમ મોદીની ટિપ્પણી પર વળતો પ્રહાર કર્યો; તેમણે ‘અસંતુષ્ટ કાકા’ ની ટીકા વિશે શું કહ્યું?
• nepal: આપત્તિ પછી ચીન સાથે વેપાર ગતિશીલતા ખોરવાઈ ગઈ; તહેવારો પહેલા પુરવઠા સંકટનો ભય છે – અત્યાર સુધી થયેલા નુકસાનનું પ્રમાણ કેટલું છે?
• akshay kumar: શું ‘ખિલાડી’ કરીના સાથે બીજી ફિલ્મ કરશે? એક મોટો સંકેત; અભિનેતા તેના જન્મદિવસ પર ચાહકોને મળે છે
• sri lanka: શ્રીલંકા ક્રિકેટને મોટો ફટકો: ચેમ્પિયન્સ ટ્રોફીના યજમાન અધિકાર ગુમાવ્યા બાદ આવકમાં નુકસાનની અપેક્ષા