US: 2024નું છેલ્લું સપ્તાહ હવાઈ ટ્રાફિક માટે સારું રહ્યું નથી. ડિસેમ્બરના અંતમાં ત્રણ મોટા વિમાન અકસ્માતો થયા હતા. મંગળવારે વોશિંગ્ટનમાં પણ મોટી વિમાન દુર્ઘટના ટળી હતી. વોશિંગ્ટનની ગોન્ઝાગા યુનિવર્સિટી મેન્સ બાસ્કેટબોલ ટીમને લઈ જતું ખાનગી જેટ લોસ એન્જલસ ઈન્ટરનેશનલ એરપોર્ટ પર પ્લેન સાથેની ટક્કરથી માંડ માંડ બચ્યું. કારણ કે એક એર કંટ્રોલ ઓફિસે પરિસ્થિતિ જોતા જ પ્લેનને મેસેજ આપ્યો હતો.
સોશિયલ મીડિયા પર વાયરલ થયેલા વીડિયોમાં જોઈ શકાય છે કે બંને વિમાનોને નજીક આવતા જોઈને એક અધિકારી કેવી રીતે “સ્ટોપ, સ્ટોપ, સ્ટોપ”નો આદેશ આપી રહ્યા છે. ફેડરલ એવિએશન એડમિનિસ્ટ્રેશન (FAA) એ શુક્રવારે બનેલી ઘટનાની તપાસ શરૂ કરી છે.
વાસ્તવમાં, એમ્બ્રેર E135 જેટ ગોન્ઝાગા યુનિવર્સિટીની પુરુષોની બાસ્કેટબોલ ટીમને લઈને ઉડાન ભરવાનું હતું ત્યારે લાઇમ એર ફ્લાઇટ 563 એ બીજા રનવે પરથી ટેકઓફ કરવાનું શરૂ કર્યું. જેના કારણે બે વિમાનો વચ્ચે અથડામણનું જોખમ વધી ગયું. અધિકારીઓની બુદ્ધિમત્તાના કારણે આ અકસ્માત ટળી ગયો.
FAA એ તેના નિવેદનમાં જણાવ્યું હતું કે, “એર ટ્રાફિક કંટ્રોલરોએ લાઈમ એર ફ્લાઈટ 563 ને લોસ એન્જલસ ઈન્ટરનેશનલ એરપોર્ટ પર રનવે પાર કરતા પહેલા રોકવાનો નિર્દેશ આપ્યો હતો કારણ કે તે સમયે રનવે પરથી અન્ય એરક્રાફ્ટ ટેકઓફ કરી રહ્યું હતું. જ્યારે એમ્બ્રેર E135 જેટ એરક્રાફ્ટ હોલ્ડ બારને ક્રોસ કરવાનું શરૂ કર્યું, ત્યારે એર ટ્રાફિક કંટ્રોલરે પાઇલોટ્સને રોકવા માટે કહ્યું, જેટ એરક્રાફ્ટ પણ રનવેની કિનારી રેખાને પાર કરી શક્યું ન હતું.
ઘટના કેમેરામાં કેદ
આ સમગ્ર ઘટના પ્લેન-સ્પોટિંગ લાઈવ સ્ટ્રીમમાં કેપ્ચર કરવામાં આવી હતી. જેમાં એર ટ્રાફિક કંટ્રોલરને લાઈમ એર ફ્લાઈટને “સ્ટોપ, સ્ટોપ, સ્ટોપ” કહેતા રેકોર્ડ કરવામાં આવ્યો હતો. ફ્લાઈટ તરત જ રોકાઈ ગઈ અને પછી થોડીવાર પછી આગળ વધી. તે સ્પોકેન, વોશિંગ્ટનથી લોસ એન્જલસ આવી રહી હતી. યુનિવર્સિટીએ ઘટનાની કબૂલાત કરી હતી.