ઈઝરાયલ દ્વારા ઈરાન પર હુમલા બાદ હવે અમેરિકી રાષ્ટ્રપતિ ડોનાલ્ડ ટ્રમ્પનું નિવેદન પણ આવ્યું છે. તેમણે ફરી એકવાર ઈરાનને ચેતવણી આપી છે કે શક્ય તેટલી વહેલી તકે પરમાણુ કરાર પર હસ્તાક્ષર કરે, નહીં તો આવનારા હુમલાઓ વધુ ભયંકર હશે. ટ્રમ્પે તેમના સોશિયલ મીડિયા પ્લેટફોર્મ ટ્રુથ સોશિયલ પર કહ્યું કે તેમણે ઈરાનને વારંવાર તક આપી, પરંતુ હવે ‘ખૂબ મૃત્યુ અને વિનાશ’ થઈ ગયો છે. તેમણે કહ્યું કે ઈરાને હવે કંઈ બાકી ન રહે તે પહેલાં સોદો કરવો જોઈએ. ટ્રમ્પે દાવો કર્યો હતો કે અગાઉ સોદામાં અવરોધ ઉભો કરનારા કટ્ટરપંથી નેતાઓ હવે માર્યા ગયા છે.
હજુ પણ સમય છે પણ બહુ ઓછો
આ સિવાય, ટ્રમ્પે ફોક્સ ન્યૂઝને આપેલા ઇન્ટરવ્યુમાં સ્વીકાર્યું કે તેમને આ હુમલા વિશે અગાઉથી માહિતી હતી, જોકે અમેરિકન અધિકારીઓએ કહ્યું હતું કે, આ કાર્યવાહીમાં અમેરિકાનો કોઈ ભાગ નથી. ટ્રમ્પે કહ્યું કે ઈરાન પરમાણુ બોમ્બ બનાવી શકતું નથી અને તેને રોકવા માટે આ હુમલો જરૂરી હતો. તેમણે એમ પણ કહ્યું કે આ સોદો હજુ પણ શક્ય છે, પરંતુ ઈરાને ખૂબ જ ઝડપથી નિર્ણય લેવો પડશે. ટ્રમ્પ કહે છે કે હજુ પણ સમય છે, પણ બહુ ઓછો, તેમણે કહ્યું, ‘હવે મૃત્યુ નહીં, વધુ વિનાશ નહીં, હમણાં જ કરો – ખૂબ મોડું થાય તે પહેલાં.’
હુમલા પછી ઇઝરાયલે શું કહ્યું?
શુક્રવારે ઇઝરાયલ દ્વારા ઇરાન પર કરવામાં આવેલા હુમલામાં દેશના શક્તિશાળી રિવોલ્યુશનરી ગાર્ડ્સના વડા હુસૈન સલામીના મૃત્યુ સાથે ભારે નુકસાન થયું છે. ઇઝરાયલે આ હુમલાની જવાબદારી લીધી અને કહ્યું કે ઇરાન પરમાણુ શસ્ત્રો બનાવવાની ખૂબ નજીક છે. વડા પ્રધાન બેન્જામિન નેતન્યાહૂએ કહ્યું કે જ્યાં સુધી ઇરાનના પરમાણુ દળો સંપૂર્ણપણે નાશ ન પામે ત્યાં સુધી આ હુમલાઓ ચાલુ રહેશે.
આ પણ વાંચો
- Ahmedabad: પ્લેન દુર્ઘટના બાદ એર ઇન્ડિયા ફ્લાઇટ નંબર AI 171 બંધ કરી શકે છે
- WETHER: જમ્મુ-કાશ્મીરથી મેદાની વિસ્તારો સુધી ગરમીનો પ્રકોપ ચાલુ રહેશે, જાણો આજના હવામાનની સ્થિતિ
- Rekha Gupta ભાજપના સ્ટાર પ્રચારકોમાં જોડાયા, ચૂંટણી પ્રચાર માટે પંજાબ જશે
- Iran Israel:ઇઝરાયલના હુમલા બાદ ઈરાને આપ્યો વળતો જવાબ
- World Blood Donor Day 2025: કોણ રક્તદાન કરી શકે છે અને કોણ નહીં? આ ચાર મહત્વપૂર્ણ બાબતો જાણો