Shahbazh sharif એ ફરી ભારત વિરુદ્ધ ઝેર ઓક્યું, કહ્યું- ‘પાકિસ્તાન શાંતિપ્રિય દેશ છે, પણ…’

Shahbazh Sharif: પાકિસ્તાનના Prime Minister Shahbazh Sharif એ શુક્રવારે (16 મે) ભારત અને પાકિસ્તાન વચ્ચે યુદ્ધવિરામ બાદ ફરીથી હુમલો કરવાની ધમકી આપી છે.

ઓપરેશન સિંદૂર પછીથી, પાકિસ્તાન સતત ભારતને ધમકી આપી રહ્યું છે. પાકિસ્તાનના પીએમ શાહબાઝ શરીફે શુક્રવારે (૧૬ મે, ૨૦૨૫) યુમ-એ-તશક્કુર (થેંક્સગિવીંગ ડે) ઉજવ્યો. આ દરમિયાન તેમણે પાકિસ્તાની સેનાનું સન્માન કર્યું.

તે જ સમયે, શાહબાઝ શરીફે ફરી એકવાર પોતાના ભાષણમાં ભારતને ધમકી આપતા કહ્યું કે પાકિસ્તાન એક શાંતિપ્રિય દેશ છે અને પાકિસ્તાનને પોતાના સ્વ-બચાવમાં યોગ્ય જવાબ આપવાનો અધિકાર છે.

પીએમ નિવાસસ્થાને યુમ-એ-તશક્કુરનું આયોજન

ઇસ્લામાબાદમાં પ્રધાનમંત્રી નિવાસસ્થાને આયોજિત યુમ-એ-તશક્કુર પ્રસંગે પ્રધાનમંત્રી શેહબાઝ શરીફે પાકિસ્તાનનો ધ્વજ ફરકાવ્યો. શાહબાઝ શરીફના ભાષણમાં ઓપરેશન સિંદૂરનો ભય સ્પષ્ટ દેખાતો હતો. તેમણે ધમકી આપતા કહ્યું કે, “પાકિસ્તાન શાંતિપ્રિય દેશ છે, પરંતુ તે પોતાની રક્ષા માટે યોગ્ય જવાબ આપવાનો અધિકાર રાખે છે.” આ દરમિયાન શાહબાઝ શરીફે પાકિસ્તાની સેનાના વખાણમાં કવિતાઓ સંભળાવી. તેમણે કહ્યું કે પાકિસ્તાન સેનાએ દેશના લશ્કરી ઇતિહાસમાં એક સુવર્ણ પ્રકરણ લખ્યું છે.

ઓપરેશન સિંદૂરમાં માર્યા ગયેલા સ્ક્વોડ્રન લીડરના ઘરે ગયા શાહબાઝ

પાકિસ્તાની મીડિયા રિપોર્ટ્સ અનુસાર, વડા પ્રધાન શાહબાઝ શરીફે ઓપરેશન સિંદૂરમાં માર્યા ગયેલા સ્ક્વોડ્રન લીડર ઉસ્માન યુસુફના ઘરે મુલાકાત લીધી હતી અને શોક વ્યક્ત કર્યો હતો. આ દરમિયાન પાકિસ્તાનના સંરક્ષણ પ્રધાન ખ્વાજા આસિફ, આર્મી ચીફ જનરલ અસીમ મુનીર અને માહિતી પ્રધાન અત્તાઉલ્લાહ તરાર પણ તેમની સાથે હાજર હતા.

રેડિયો પાકિસ્તાન અનુસાર, દિવસની શરૂઆત યુમ-એ-તશક્કુરના અવસર પર ઇસ્લામાબાદમાં 31 તોપોની સલામી અને પ્રાંતીય રાજધાનીઓમાં 21 તોપોની સલામી સાથે થઈ. દેશભરમાં ખાસ પ્રાર્થના કરવામાં આવી હતી અને સશસ્ત્ર દળો સાથે એકતા વ્યક્ત કરવા માટે રેલીઓનું પણ આયોજન કરવામાં આવ્યું હતું.

પાકિસ્તાન કોઈ સમાધાન નહીં કરે: આસિફ અલી ઝરદારી

આ પ્રસંગે પાકિસ્તાનના રાષ્ટ્રપતિ આસિફ અલી ઝરદારીએ કહ્યું, “પાકિસ્તાન તેની સાર્વભૌમત્વ, પ્રાદેશિક અખંડિતતા અને દેશના હિત સાથે ક્યારેય સમાધાન કરશે નહીં.”