Pakistan: પાકિસ્તાનના ખૈબર પખ્તુનખ્વા પ્રાંતના બાજૌર જિલ્લામાં શનિવારે ક્રિકેટ મેચ દરમિયાન થયેલા વિસ્ફોટમાં એક વ્યક્તિનું મોત થયું હતું અને અનેક લોકો ઘાયલ થયા હતા. પોલીસે જણાવ્યું હતું કે કૌસર ક્રિકેટ ગ્રાઉન્ડમાં IED વિસ્ફોટ થયો હતો. ઘાયલોને હોસ્પિટલમાં દાખલ કરવામાં આવ્યા છે.
પાકિસ્તાનના ઉત્તરપશ્ચિમ ખૈબર પખ્તુનખ્વા પ્રાંતમાં શનિવારે ક્રિકેટ મેચ દરમિયાન થયેલા વિસ્ફોટમાં ઓછામાં ઓછા એક વ્યક્તિનું મોત થયું હતું અને અનેક લોકો ઘાયલ થયા હતા. પોલીસે આ માહિતી આપી હતી. બાજૌર જિલ્લાના ખાર તહસીલમાં કૌસર ક્રિકેટ ગ્રાઉન્ડમાં આ વિસ્ફોટ થયો હતો. ડોન અખબારના અહેવાલ મુજબ, બાજૌર જિલ્લા પોલીસ અધિકારી વકાસ રફીકે પુષ્ટિ આપી છે કે વિસ્ફોટ ઇમ્પ્રુવાઇઝ્ડ એક્સપ્લોઝિવ ડિવાઇસ (IED) દ્વારા કરવામાં આવ્યો હતો.
પોલીસે જણાવ્યું હતું કે વિસ્ફોટમાં એક વ્યક્તિનું મોત થયું હતું, જ્યારે બાળકો સહિત અનેક લોકો ઘાયલ થયા હતા. ઘાયલોને નજીકની હોસ્પિટલમાં દાખલ કરવામાં આવ્યા છે. બાજૌર જિલ્લા પોલીસ અધિકારી વકાસ રફીકે પુષ્ટિ આપી છે કે વિસ્ફોટ ઇમ્પ્રુવાઇઝ્ડ એક્સપ્લોઝિવ ડિવાઇસ (IED) દ્વારા કરવામાં આવ્યો હતો. તેમણે વધુમાં કહ્યું, “આ એક લક્ષિત હુમલો હોય તેવું લાગે છે.”
કોઈ પણ જૂથે આ હુમલાની જવાબદારી સ્વીકારી નથી. જોકે, ગયા મહિને સુરક્ષા દળો દ્વારા શરૂ કરાયેલા ઓપરેશન સરબકાફને પગલે પોલીસ અધિકારીઓએ આતંકવાદીઓને જવાબદાર ઠેરવ્યા છે.
ગયા શનિવારે, ખૈબર પખ્તુનખ્વા પ્રાંતમાં બે અલગ અલગ ઘટનાઓમાં ઓછામાં ઓછા ત્રણ આતંકવાદીઓ અને એક પોલીસકર્મી માર્યા ગયા હતા. પોલીસે જણાવ્યું હતું કે પ્રાંતના કોહાટ જિલ્લાના લાચી પોલીસ સ્ટેશનના અધિકારક્ષેત્રમાં પોલીસ એન્કાઉન્ટર દરમિયાન ત્રણેય આતંકવાદીઓ માર્યા ગયા હતા.
અન્ય એક ઘટનામાં, લાચી તહસીલમાં દરમલક પોલીસ ચોકી નજીક અજાણ્યા હુમલાખોરો દ્વારા પોલીસ વાન પર હુમલો કરવામાં આવતા એક કોન્સ્ટેબલનું મોત થયું હતું.