operation sindoor: જમ્મુ અને કાશ્મીરમાં 6 અને 7 મેની રાત્રે, પાકિસ્તાની સેનાએ નિયંત્રણ રેખા અને જમ્મુ અને કાશ્મીરની સામેની આંતરરાષ્ટ્રીય સરહદ પરની ચોકીઓ પરથી અંધાધૂંધ ગોળીબાર કર્યો, જેમાં તોપમારો પણ કરવામાં આવ્યો હતો. પાકિસ્તાન તરફથી થયેલા આડેધડ ગોળીબારમાં દસ નાગરિકોના મોત થયા છે.
જમ્મુ અને કાશ્મીરમાં નિયંત્રણ રેખા (LoC) નજીકના ડઝનબંધ ગામોમાં પાકિસ્તાની સેના દ્વારા રાત્રે ગોળીબાર કરવામાં આવતા એક મહિલા અને બે બાળકો સહિત દસ લોકો માર્યા ગયા અને લગભગ 50 લોકો ઘાયલ થયા. આ સાતેય મૃત્યુ પૂંછમાં થયા હતા, જે ગોળીબારમાં સૌથી વધુ પ્રભાવિત વિસ્તાર હતો. પાકિસ્તાની સેનાએ પૂંછ, રાજૌરી અને ઉરીમાં ગોળીબાર કર્યો છે. ગોળીબારમાં ઘરોને પણ નુકસાન થયું છે. ઘણા વાહનો સળગાવી દેવામાં આવ્યા છે. પાકિસ્તાની સેનાએ ઉત્તર કાશ્મીરના તંગધારમાં નિયંત્રણ રેખા નજીક કાશ્મીરના નાગરિકોને નિશાન બનાવ્યા છે. પાકિસ્તાન દ્વારા કરવામાં આવેલા ભારે ગોળીબારમાં પૂંછના વિવિધ સેક્ટરમાં 34 અન્ય નાગરિકો પણ ઘાયલ થયા છે અને તેમની સ્થિતિ સ્થિર હોવાનું જણાવાયું છે.
આ સ્થળોએ શાળાઓ, કોલેજો અને શૈક્ષણિક સંસ્થાઓ બંધ રહેશે
અધિકારીઓએ આદેશ આપ્યો છે કે જમ્મુ ક્ષેત્રના પાંચ સરહદી જિલ્લાઓમાં તમામ શૈક્ષણિક સંસ્થાઓ બુધવારે બંધ રહેશે. ડિવિઝનલ કમિશનર રમેશ કુમારે પ્લેટફોર્મ X પર જણાવ્યું હતું કે “વર્તમાન પરિસ્થિતિને ધ્યાનમાં રાખીને, જમ્મુ, સાંબા, કઠુઆ, રાજૌરી અને પૂંછમાં આજે બધી શાળાઓ, કોલેજો અને શૈક્ષણિક સંસ્થાઓ બંધ રહેશે.”