હત્યા પહેલા બળાત્કાર, શરીરના અંગો પર ઇજા… Kolkataના ડૉક્ટર સાથેની ક્રૂરતાએ સૌને ચોંકાવી દીધા!

Kolkata: કોલકાતા મેડિકલ કોલેજના સેમિનાર હોલમાં તાલીમાર્થી ડોક્ટર સાથે બળાત્કાર અને હત્યાના કેસમાં એક વ્યક્તિની ધરપકડ કરવામાં આવી છે. સીસીટીવી ફૂટેજના આધારે આ ધરપકડ કરવામાં આવી છે. મેડિકલ કોલેજના સેમિનાર હોલમાં લેડી ડોક્ટર બેભાન હાલતમાં મળી આવી હતી. તેનું સારવાર દરમિયાન મોત નિપજ્યું હતું. પશ્ચિમ બંગાળમાં કોલકાતાની આરજી કાર મેડિકલ કોલેજમાં તાલીમાર્થી ડૉક્ટર સાથે થયેલી નિર્દયતાએ બધાને હચમચાવી દીધા હતા. લેડી ડોક્ટર પર પહેલા બળાત્કાર ગુજારવામાં આવ્યો અને પછી ક્રૂર રીતે હત્યા કરવામાં આવી.

પોલીસે આ મામલે બળાત્કારનો કેસ નોંધ્યો છે અને સીસીટીવી ફૂટેજના આધારે એક વ્યક્તિની ધરપકડ કરી છે. મેડિકલ કોલેજના સેમિનાર હોલમાં લેડી ડોક્ટર બેભાન હાલતમાં મળી આવી હતી. તેને તાત્કાલિક હોસ્પિટલમાં દાખલ કરવામાં આવીપરંતુ ડોક્ટર તેને બચાવી શક્યા નહીં. આ કેસમાં પોલીસે સીસીટીવી ફૂટેજના આધારે શુક્રવારે (9 ઓગસ્ટ) કામચલાઉ કર્મચારી સંજય રોયની ધરપકડ કરી હતી. સ્થાનિક પોલીસે બળાત્કારનો કેસ નોંધ્યો છે. તાલીમાર્થી ડોક્ટર વિશે કહેવામાં આવી રહ્યું છે કે તે બીજા વર્ષની વિદ્યાર્થીની હતી.

મમતાએ પીડિતાના પરિવાર સાથે વાત કરી
પશ્ચિમ બંગાળના મુખ્યમંત્રી મમતા બેનર્જીએ પીડિતાના માતા-પિતા સાથે વાત કરી છે. પરિવારે તેમને આ મામલાની નિષ્પક્ષ તપાસ કરવા વિનંતી કરી છે. પોલીસે આ મામલે વધુ તપાસ હાથ ધરી છે. પોલીસે તાલીમાર્થી તબીબના મૃતદેહનું પોસ્ટમોર્ટમ પણ કરાવ્યું છે. બંગાળ પોલીસે આ મામલાની તપાસ માટે એક SITની પણ રચના કરી છે. પ્રારંભિક પોસ્ટમોર્ટમ રિપોર્ટમાં જાતીય હુમલો અને હત્યાનો ખુલાસો થયો છે.

રિપોર્ટમાં કહેવામાં આવ્યું છે કે, ‘તેની આંખો અને મોં બંનેમાંથી લોહી વહેતું હતું, તેના ચહેરા અને નખ પર ઈજાઓ હતી. પીડિતાના પ્રાઈવેટ પાર્ટમાંથી પણ લોહી નીકળતું હતું. તેના પેટ, ડાબા પગ, ગરદન, જમણા હાથ અને હોઠ પર ઈજાઓ હતી.
પોસ્ટમોર્ટમ દરમિયાન બે મહિલા સાક્ષીઓ અને મહિલાની માતા હાજર હતી, જે કેમેરામાં રેકોર્ડ કરવામાં આવી હતી. કોલકાતા પોલીસના અન્ય એક વરિષ્ઠ અધિકારીએ જણાવ્યું કે આ ગુનો સવારે 3 વાગ્યાથી સવારે 6 વાગ્યાની વચ્ચે થયો હતો.
‘શરીરે ઘા, સારવાર બાદ મોત’
તાલીમાર્થી ડોક્ટર સાથેના કથિત જાતીય સતામણીના કેસ પર ભાજપના વરિષ્ઠ નેતા અગ્નિમિત્રા પોલે કહ્યું કે છોકરીના શરીર પર ઘા છે. પીડિતાનું સારવાર બાદ મોત થયું હતું. અમે ઇચ્છીએ છીએ કે તપાસ થાય. તેમણે તાલીમાર્થી તબીબના મૃતદેહના પોસ્ટમોર્ટમનો પણ વિરોધ કર્યો હતો અને પૂછ્યું હતું કે, સાંજે પોસ્ટમોર્ટમ કેમ કરવામાં આવ્યું?

પોસ્ટમોર્ટમ બહાર જ કરવું જોઈએ
કોલકાતાના ડૉક્ટર માનસ ગુમતાએ આ અંગે કહ્યું કે આ ચોંકાવનારી ઘટના છે. આવું પહેલા ક્યારેય બન્યું નથી. તે માત્ર ડોકટરોની વાત નથી. આપણે કહી શકીએ કે પશ્ચિમ બંગાળ ગુંડાઓના હાથમાં આવી ગયું છે અને અમને લાગે છે કે વહીવટીતંત્ર તથ્યોને દબાવવાનો પ્રયાસ કરી રહ્યું છે અને તેને આત્મહત્યા ગણાવી રહ્યું છે. આ કારણોસર અમે માંગ કરીએ છીએ કે પોસ્ટમોર્ટમ આરજી કાર હોસ્પિટલની બહારના ફોરેન્સિક નિષ્ણાતો દ્વારા કરવામાં આવે અને હોસ્પિટલના ફોરેન્સિક નિષ્ણાતો દ્વારા નહીં.
તેમણે વિદ્યાર્થીઓ સાથે વિરોધ પણ કર્યો હતો અને આરોપીઓ સામે કડક કાર્યવાહી કરવાની અપીલ કરી હતી. આરજી કાર કૉલેજના પ્રિન્સિપાલ ડૉ. સંદીપ ઘોષે પણ આ બાબતે કહ્યું, ‘આ બહુ ખોટું છે. તે મારા બાળક જેવી હતી અને તેના માટે શક્ય તેટલી વહેલી તકે કાર્યવાહી થવી જોઈએ.