Kolkata rape caseમાં દુષ્કર્મ કરનાર વ્યક્તિના ફોનમાંથી મળ્યો અશ્લીલ વીડિયો, પોલીસ પણ સ્તબ્ધ!

Kolkata rape case: પશ્ચિમ બંગાળની રાજધાની કોલકાતામાં એક મહિલા અનુસ્નાતક તાલીમાર્થી ડૉક્ટરની જાતીય સતામણી અને હત્યાના કેસમાં આરોપીએ ગુનો કબૂલી લીધો છે. આરોપીને સિયાલદાહ કોર્ટમાં રજૂ કરવામાં આવ્યો હતો, જ્યાં તેને ભારતીય ન્યાય સંહિતા હેઠળ અલગ-અલગ કેસ સાથે સંબંધિત કલમો હેઠળ 23 ઓગસ્ટ, 2024 સુધી પોલીસ કસ્ટડીમાં મોકલવામાં આવ્યો હતો. પૂછપરછ દરમિયાન અધિકારીઓએ તમામ શકમંદોના મોબાઈલ ફોન જપ્ત કર્યા હતા.

પોલીસે આરોપીના મોબાઈલ ફોનમાંથી અશ્લીલ વીડિયો કબજે કર્યો છે. આરોપીઓ પાસેથી બ્લુટુથ હેડફોન પણ મળી આવ્યા હતા, જેને મહત્વના પુરાવા તરીકે ગણવામાં આવી રહ્યા છે. આરોપીને હોસ્પિટલમાં સરળતાથી પ્રવેશ મળ્યો કારણ કે તેને નાગરિક સ્વયંસેવક તરીકે રાખવામાં આવ્યો હતો. નાગરિક સ્વયંસેવકો એવા કર્મચારીઓ છે જે પોલીસને મદદ કરે છે.

કોલકાતાની હોસ્પિટલમાં ડોક્ટર આ હાલતમાં મળી

આરોપી શુક્રવારે (9 ઓગસ્ટ 2024) સવારે લગભગ 4 વાગ્યે ઇયરફોન પહેરીને હોસ્પિટલમાં દાખલ થતો જોવા મળ્યો હતો. જોકે, જ્યારે તે પરિસરમાંથી બહાર આવ્યો ત્યારે તેની પાસે ઈયરફોન નહોતા. પ્રારંભિક પોસ્ટમોર્ટમ રિપોર્ટમાં ખુલાસો થયો કે મહિલાનું યૌન શોષણ કરવામાં આવ્યું હતું અને પછી તેનું ગળું દબાવીને હત્યા કરવામાં આવી હતી. પીડિતાની આંખો અને મોં બંનેમાંથી લોહી વહી રહ્યું હતું. તેના ચહેરા, નખ, પેટ, ડાબા પગ, ગરદન, જમણા હાથ અને હોઠ પર ઈજાના નિશાન હતા. સૂત્રોએ જણાવ્યું હતું કે, “મહિલા ડૉક્ટરનો મૃતદેહ ઇમરજન્સી બિલ્ડિંગના સેમિનાર રૂમમાં તેના સાથીદારો દ્વારા મળ્યો હતો, જેમણે અમને જાણ કરી હતી.”

IMAએ આપ્યું અલ્ટીમેટમ

ડૉક્ટર પર બળાત્કાર અને હત્યાના કેસમાં, આરજી કાર મેડિકલ કોલેજ સહિત વિવિધ સરકારી હોસ્પિટલોના ઘણા ડૉક્ટરો અને વિદ્યાર્થીઓએ મોટા પાયે વિરોધ કર્યો અને ધરણા પણ કર્યા. આ પહેલા શનિવારે (10 ઓગસ્ટ 2024), ઈન્ડિયન મેડિકલ એસોસિએશન (IMA) એ આ મામલે તાત્કાલિક પગલાં લેવાની માંગ કરતું નિવેદન જારી કર્યું હતું અને જો 48 કલાકની અંદર માંગણીઓ સંતોષવામાં નહીં આવે તો દેશવ્યાપી વિરોધ પ્રદર્શનની ચેતવણી આપી હતી.

પશ્ચિમ બંગાળના મુખ્ય પ્રધાન મમતા બેનર્જીએ આ ઘટનાને વ્યક્તિગત નુકસાન ગણાવ્યું હતું અને આરોપીઓને ફાંસીની સજા આપવાની પ્રતિજ્ઞા લીધી હતી. CPI(M)ના કાર્યકરોએ કોલકાતામાં પણ હત્યા કેસમાં ન્યાયની માંગણી સાથે રેલી કાઢી હતી. પશ્ચિમ બંગાળના ડૉક્ટરો સાથે એકતા દર્શાવવા માટે, દિલ્હી AIIMS આજે એટલે કે 11 ઓગસ્ટ 2024ના રોજ કેન્ડલ માર્ચ કાઢશે.