જાણો, Salman Rushdie પર હુમલો કરનાર વ્યક્તિ હાદી માતરે હવે શું કર્યું?

Salman Rushdie પર હુમલો કરનાર વ્યક્તિને તેની સજા ઓછી કરવાનો વારો આવ્યો હતો. રશ્દી પર હુમલો કરનાર વ્યક્તિનું નામ હાદી માતર છે. હાદી માતરે સમાધાન કરવાનો ઇનકાર કર્યો છે.

પ્રસિદ્ધ લેખક Salman Rushdie પર છરી વડે હુમલો કરવાના આરોપી વ્યક્તિએ તેની સજામાં ઘટાડો કરી શકે તેવી ડીલ સ્વીકારવાનો ઇનકાર કર્યો છે. આ કેસમાં જો આરોપીએ આતંકવાદ સંબંધિત આરોપો સ્વીકાર્યા હોત તો તેની સજા ઓછી થઈ શકી હોત. આરોપીના વકીલે આ અંગે માહિતી આપી છે. હાદી માતરે 2022માં Salman Rushdie પર હુમલો કર્યો હતો, જે બાદ તે કસ્ટડીમાં છે.

હાદી માતરને આટલી સજા મળે છે 

માતર પર Salman Rushdie પર 12થી વધુ વખત છરો મારવાનો આરોપ છે. આરોપી માતરે રશ્દી પર હુમલો કર્યો હતો જ્યારે તે વેસ્ટર્ન ન્યૂયોર્કમાં ચૌટૌકા ઇન્સ્ટિટ્યૂટમાં લેક્ચર આપી રહ્યો હતો. માતરના વકીલ, નેથેનિયલ બેરોને, ન્યૂયોર્કના મેવિલેમાં મંગળવારે આરોપીના સોદાને નકાર્યાની પુષ્ટિ કરી. આ કરાર હેઠળ, માતર 25 વર્ષની સજાને બદલે મહત્તમ 20 વર્ષની જેલની સજાના બદલામાં ચૌટૌકા કાઉન્ટીમાં હત્યાના પ્રયાસ માટે દોષિત ઠરાવશે. 

શા માટે થયો હુમલો?

સલમાન રશ્દીએ ‘ધ સેટેનિક વર્સીસ’ નોવેલ લખી હતી અને તેના કારણે જ તેમના પર હુમલો થયો હતો. રશ્દીએ આ નવલકથા 1989માં લખી હતી. આ નવલકથા પછી ઈરાનના એક મોટા નેતાએ ઈશનિંદા માટે રશ્દીની હત્યા કરવાનો ફતવો બહાર પાડ્યો, જેના પછી સલમાન રશ્દીને ઘણા વર્ષો સુધી છુપાઈને રહેવું પડ્યું. કોઈએ કલ્પના પણ નહોતી કરી કે 33 વર્ષ પછી 2022માં 24 વર્ષનો યુવક આવું કૃત્ય કરશે. ન્યુ જર્સીના ફેરવ્યુમાં રહેતા હાદી માતરનો જન્મ પણ નવલકથાના પ્રકાશન અને ફતવો જારી વખતે થયો ન હતો, છતાં તેણે આવો હુમલો કરીને આખી દુનિયાને ચોંકાવી દીધી હતી. 

ઈરાને માતરને ઈનામ આપ્યું

તમને જણાવી દઈએ કે અમેરિકામાં સલમાન રશ્દી પર હુમલો કરનાર હાદી માતરને ઈરાની ફાઉન્ડેશન દ્વારા ઈનામ પણ આપવામાં આવ્યું હતું. આ ફાઉન્ડેશન વતી કહેવામાં આવ્યું હતું કે તેઓ માતરને એક હજાર ચોરસ મીટર ખેતીની જમીન આપી રહ્યા છે. ખાસ વાત એ છે કે તેની જાહેરાત ઈરાનના સરકારી ટીવી પર કરવામાં આવી હતી. ફાઉન્ડેશને એમ પણ કહ્યું હતું કે રશ્દી એક જીવતા શબથી ઓછા નથી.