Jammu-Kashmir: બારામુલ્લામાં આતંકવાદીઓ અને સુરક્ષાદળો વચ્ચે અથડામણ, 2 આતંકવાદી ઠાર

Jammu-Kashmirમાં આતંકવાદીઓ અને સુરક્ષા દળો વચ્ચે અથડામણ શરૂ થઈ ગઈ છે. આ વિસ્તારમાં બે આતંકીઓ ફસાયા હતા અને માર્યા ગયા હોવાના અહેવાલ છે.

Jammu-Kashmirમાંથી એક મોટા સમાચાર સામે આવી રહ્યા છે. અહીં બારામુલ્લા જિલ્લાના હદીપોરા ગામમાં સુરક્ષાદળો અને આતંકવાદીઓ વચ્ચે એન્કાઉન્ટર શરૂ થયું છે. કહેવામાં આવી રહ્યું છે કે આ વિસ્તારમાં 2 આતંકીઓ માર્યા ગયા છે. પોલીસના જણાવ્યા અનુસાર, સોપોર પોલીસ સ્ટેશનના હદીપોરા વિસ્તારમાં એન્કાઉન્ટર શરૂ થયું છે. પોલીસ અને સુરક્ષા દળો સંયુક્ત રીતે આ ઓપરેશન ચલાવી રહ્યા છે. આને લગતી વધુ માહિતીની હજુ રાહ જોવાઈ રહી છે…

ગઈકાલે પણ ફાયરિંગ થયું હતું

ઉલ્લેખનીય છે કે મંગળવારે Jammu-Kashmirના પુંછ જિલ્લામાં કોર્ડન અને સર્ચ ઓપરેશન શરૂ થયા બાદ સુરક્ષાદળો અને આતંકવાદીઓ વચ્ચે ગોળીબાર શરૂ થયો હતો. આ મામલે જમ્મુ અને કાશ્મીર પોલીસે કહ્યું, “આ વિસ્તારમાં આતંકવાદીઓ વિશે ચોક્કસ માહિતીના આધારે, સુરક્ષા દળો દ્વારા પૂંચ જિલ્લામાં ઘેરાબંધી અને સર્ચ ઓપરેશન શરૂ કરવામાં આવ્યું હતું અને તે દરમિયાન આતંકવાદીઓ અને સુરક્ષા દળો વચ્ચે ગોળીબાર થયો હતો. “

શ્રીનગર અસ્થાયી રેડ ઝોન બની ગયું હતું

દરમિયાન, શ્રીનગર પોલીસે મંગળવારે કહ્યું હતું કે ડ્રોન નિયમો, 2021 ના ​​નિયમ 24(2) ની જોગવાઈઓ અનુસાર, શ્રીનગરને તાત્કાલિક અસરથી ડ્રોન અને ક્વોડકોપ્ટર્સના સંચાલન માટે ‘અસ્થાયી રેડ ઝોન’ જાહેર કરવામાં આવ્યું છે. શ્રીનગર પોલીસે વધુમાં જણાવ્યું હતું કે, “રેડ ઝોનમાં તમામ અનધિકૃત ડ્રોન ઓપરેશન્સને ડ્રોન નિયમો, 2021ની સંબંધિત જોગવાઈઓ અનુસાર સજા થઈ શકે છે.”