NOTAM: ભારતીય વાયુસેના આવતીકાલે, 7 મેથી ભારત-પાકિસ્તાન સરહદ પર રણ પ્રદેશ અને આસપાસના વિસ્તારોમાં કવાયત કરશે. જેમાં રાફેલ, મિરાજ 2000 અને સુખોઈ-30 સહિત તમામ અગ્રણી વિમાનો ભાગ લેશે. આ અંગે ભારત દ્વારા NOTAM જારી કરવામાં આવ્યું છે.
કેન્દ્રીય ગૃહ મંત્રાલયે સોમવારે તમામ રાજ્યો અને કેન્દ્રશાસિત પ્રદેશોને 7 મેના રોજ મોક ડ્રીલ કરવા જણાવ્યું છે જેથી કોઈપણ દુશ્મન દેશ દ્વારા કોઈપણ હુમલાની સ્થિતિમાં તૈયાર રહી શકાય. પહેલગામ આતંકવાદી હુમલા બાદ ભારત અને પાકિસ્તાન વચ્ચે વધેલા તણાવને ધ્યાનમાં રાખીને આ પગલું લેવામાં આવ્યું છે.
મોક ડ્રીલમાં શું થશે?
– હવાઈ હુમલાની ચેતવણી આપતા સાયરન ડ્રીલ્સ
– નાગરિક સંરક્ષણ (સ્વ-બચાવ) માં નાગરિકોને તાલીમ આપવી.
– બ્લેકઆઉટ સિસ્ટમ
– મહત્વપૂર્ણ સ્થળોના છદ્માવરણ માટેની તૈયારીઓ
– બચાવ યોજનાને અપડેટ કરવી અને તેનો અભ્યાસ કરવો
પ્રેક્ટિસ ક્યાં થશે?
ગૃહ મંત્રાલયના જણાવ્યા અનુસાર, આ કવાયત દેશના 244 નાગરિક સંરક્ષણ જિલ્લાઓમાં હાથ ધરવામાં આવશે. તેનું આયોજન ગ્રામ્ય સ્તરે કરવામાં આવશે.