Han duck soo: હાને પોતાના પદ પરથી રાજીનામું આપ્યું… દક્ષિણ કોરિયાની રાષ્ટ્રપતિની ચૂંટણીમાં લડશે

Han duck soo: દક્ષિણ કોરિયાના કાર્યકારી રાષ્ટ્રપતિ હાન ડુક-સૂએ રાજીનામું આપીને રાષ્ટ્રપતિ પદ માટે ઉમેદવારી નોંધાવવાની જાહેરાત કરીને આશ્ચર્યજનક નિર્ણય લીધો છે. તેમના આ પગલાથી આવતા મહિને યોજાનારી ચૂંટણીમાં હલચલ મચી ગઈ છે. હાનને પીપલ્સ પાવર પાર્ટી માટે મજબૂત દાવેદાર માનવામાં આવે છે અને તેઓ લી જે-મ્યુંગ સામે ચૂંટણી લડી શકે છે. તેમણે પોતાના રાજીનામાને દેશ પ્રત્યેની મોટી જવાબદારી ગણાવી છે.

દક્ષિણ કોરિયાના કાર્યકારી રાષ્ટ્રપતિ હાન ડક-સૂએ ગુરુવારે રાજીનામું આપવાની જાહેરાત કરી. પહેલા એવા સમાચાર હતા કે તેઓ આવતા મહિને તેમના દેશમાં યોજાનારી રાષ્ટ્રપતિની ચૂંટણી લડશે, પરંતુ તેમના અચાનક રાજીનામાથી બધાને આઘાત લાગ્યો છે.

હાને એક ટેલિવિઝન નિવેદનમાં કહ્યું કે તેમણે દેશ માટે મોટી જવાબદારી નિભાવવા માટે પદ છોડવાનો નિર્ણય લીધો છે. દક્ષિણ કોરિયાના મીડિયા અનુસાર, હાન શુક્રવારે સત્તાવાર રીતે તેમના રાષ્ટ્રપતિ પદના અભિયાનની શરૂઆત કરશે. તત્કાલીન રાષ્ટ્રપતિ યૂન સુક યેઓલ દ્વારા હાનને દેશના વડા પ્રધાન તરીકે નિયુક્ત કરવામાં આવ્યા હતા.

હાન એક મજબૂત દાવેદાર છે

તમને જણાવી દઈએ કે, યેઓલને પદ પરથી દૂર કરવામાં આવ્યા હતા, જેના કારણે રાષ્ટ્રપતિ પદ માટે પેટાચૂંટણી યોજાઈ રહી છે. ગયા વર્ષે ૩ ડિસેમ્બરે યુન દ્વારા માર્શલ લો લાદવામાં આવ્યા પછી સર્જાયેલી અરાજકતા પર મુખ્ય રૂઢિચુસ્ત પીપલ્સ પાવર પાર્ટીને જાહેર ગુસ્સાનો સામનો કરવો પડ્યો હતો, જેના કારણે હાનને રાષ્ટ્રપતિ પદ માટે પાર્ટીના અગ્રણી દાવેદાર તરીકે જોવામાં આવે છે.

નિરીક્ષકો કહે છે કે હાન રાષ્ટ્રપતિ પદના ફ્રન્ટ-રનર લી જે-મ્યુંગ સામે ઝુંબેશ શરૂ કરવા માટે પીપલ્સ પાવર પાર્ટી સાથે જોડાણ કરે તેવી શક્યતા છે.

બળવાના પ્રયાસ પછીની પહેલી ચૂંટણી

ગયા વર્ષે થયેલા તખ્તાપલટના પ્રયાસ બાદ આ ચૂંટણીઓ યોજાઈ રહી છે, જેના પછી દેશમાં અસ્થિરતા ફેલાઈ છે. ૩ ડિસેમ્બર, ૨૦૨૪ ના રોજ, દક્ષિણ કોરિયાના રાષ્ટ્રપતિ યૂન સુક યેઓલે ટેલિવિઝન સંબોધન દરમિયાન માર્શલ લો જાહેર કર્યો. જે ત્યાંની સરકારે નિષ્ફળ બનાવ્યું. યૂન સુક યેઓલના આ પગલા બાદ દેશમાં તેમની વિરુદ્ધ વાતાવરણ ઉભું થયું અને તેમને પદ પરથી હટાવી દેવામાં આવ્યા.