Epstine જાતીય ગુનેગાર જેફરી એપસ્ટેઇન ઇઝરાયલી જાસૂસ હતો… FBI દસ્તાવેજમાં સનસનાટીભર્યો દાવો

Epstine: 2020 ના FBI દસ્તાવેજમાં સનસનાટીભર્યો દાવો કરવામાં આવ્યો છે કે દોષિત જાતીય ગુનેગાર જેફરી એપસ્ટેઇનને જાસૂસી માટે તૈયાર કરવામાં આવ્યો હતો અને તેના ઇઝરાયલી ગુપ્તચર એજન્સી, મોસાદ સાથે સંબંધો હતા. આ આરોપો એક ગુપ્ત સ્ત્રોતના નિવેદનો પર આધારિત છે જેની સ્વતંત્ર રીતે પુષ્ટિ હજુ સુધી થઈ નથી.

જાતીય ગુનાઓ અને શક્તિશાળી વ્યક્તિઓ સાથે ગાઢ સંબંધો માટે કુખ્યાત જેફરી એપસ્ટેઇન અંગે ફરી એકવાર એક મોટો ખુલાસો થયો છે. તાજેતરમાં જાહેર કરાયેલ એપસ્ટેઇન ફાઇલ્સમાં સમાવિષ્ટ 2020 ના FBI દસ્તાવેજમાં દાવો કરવામાં આવ્યો છે કે એપસ્ટેઇનને જાસૂસી માટે તૈયાર કરવામાં આવ્યો હતો અને તેના ઇઝરાયલી ગુપ્તચર એજન્સી, મોસાદ સાથે સંબંધો હતા.

FBI દસ્તાવેજ અનુસાર, આ માહિતી એક ગુપ્ત માનવ સ્ત્રોત દ્વારા પૂરી પાડવામાં આવી હતી. આ અહેવાલ યુએસ ચૂંટણીઓમાં કથિત વિદેશી દખલગીરીની તપાસ દરમિયાન દાખલ કરવામાં આવ્યો હતો. જો કે, FBI એ સ્વતંત્ર રીતે આ દાવાઓની પુષ્ટિ કરી નથી.