શેખ હસીના બાદ હવે ચીફ જસ્ટિસનો વારો? બાંગ્લાદેશીઓએ Supreme courtનો ઘેરાવ કર્યો, કરી રાજીનામાની માંગ

બાંગ્લાદેશી વિરોધીઓએ શનિવારે Supreme courtનો ઘેરાવ કર્યો હતો અને ચીફ જસ્ટિસ ઓબેદુલ હસનને બપોરે 1 વાગ્યા સુધીમાં રાજીનામું આપવાની ધમકી આપી હતી. ટોળાએ અન્ય ન્યાયાધીશોને પણ તેમના પદ છોડવા કહ્યું છે. ડેઈલી સ્ટારના અહેવાલ મુજબ, વિરોધીઓએ ધમકી આપી છે કે જો તેઓ સમયમર્યાદા પહેલા રાજીનામું નહીં આપે તો ન્યાયાધીશોના નિવાસસ્થાનોનો ઘેરાવ કરશે.

તમને જણાવી દઈએ કે સવારે સાડા દસ વાગ્યે વિદ્યાર્થીઓ અને વકીલો સહિત સેંકડો પ્રદર્શનકારીઓ સુપ્રીમ કોર્ટ પરિસરમાં એકઠા થવા લાગ્યા અને મુખ્ય ન્યાયાધીશના રાજીનામાની માંગણી કરી.

વચગાળાની સરકાર મોટા દેશો સાથેના સંબંધોમાં સંતુલન ઈચ્છે છેઃ હુસૈન
બાંગ્લાદેશની નવી રચાયેલી વચગાળાની સરકારે શુક્રવારે “મોટા દેશો” સાથે ઢાકાના સંબંધોમાં “સંતુલન” જાળવવાની જરૂરિયાત પર ભાર મૂક્યો હતો. વિદેશ બાબતોના સલાહકાર અને ભૂતપૂર્વ વિદેશ સચિવ મોહમ્મદ તૌહીદ હુસૈને અહીં પત્રકારોને જણાવ્યું હતું કે કાયદો અને વ્યવસ્થા પુનઃસ્થાપિત કરવી એ આ સમયે વચગાળાની સરકારની મુખ્ય પ્રાથમિકતા છે અને પ્રથમ લક્ષ્ય હાંસલ થયા બાદ અન્ય કાર્યો પણ કરવામાં આવશે.

‘યુએનબી’ સમાચાર એજન્સીના સમાચાર અનુસાર, તેમણે એમ પણ કહ્યું કે બાંગ્લાદેશે તમામ દેશો સાથે સારા સંબંધો જાળવી રાખવાની જરૂર છે. કોઈ પણ દેશનું નામ લીધા વિના સેને કહ્યું, “અમે દરેક સાથે સારા સંબંધો રાખવા માંગીએ છીએ.” આપણે મોટા દેશો સાથેના સંબંધોમાં સંતુલન જાળવવાની જરૂર છે.

નોબેલ પુરસ્કાર વિજેતા અર્થશાસ્ત્રી મોહમ્મદ યુનુસ (84)એ ગુરુવારે બાંગ્લાદેશની વચગાળાની સરકારના વડા તરીકે શપથ લીધા હતા. રાષ્ટ્રપતિ મોહમ્મદ શહાબુદ્દીને મંગળવારે સંસદ ભંગ કર્યા બાદ યુનુસને વચગાળાની સરકારના વડા તરીકે નિયુક્ત કરવામાં આવ્યા હતા.